துவரம் பருப்பை கழுவி, தக்காளி,ஆமணக்கு எண்ணை, இரண்டு கப் தண்ணீர் சேர்த்து மூன்று விசில் விடவும். ***ஆமணக்கு எண்ணை சேர்ப்பதால் நல்ல மஞ்சள் கலர் கிடைக்கும். தண்ணீர் கெட்டியாகமாறும்.

புளியை சூடு நீரில் சேர்த்து நன்கு பிழிந்து சாறு எடுத்து வைக்கவும்.

வாணலியில் எண்ணை ஊற்றி, கடுகு, கறிவேப்பிலை, பூண்டு தட்டி போட்டு, பச்சை, வற்றல் மிளகாய் நறுக்கி சேர்த்து வதக்கவும். ஒரு சிட்டிகை பெருங்காயம் சேர்த்து, வேகவைத்து வைத்துள்ள பருப்பு,தக்காளியை நன்கு மசித்த தண்ணீர், புளிச்சாறு, மேலும் கொஞ்சம் தண்ணீர், தேவையான அளவு உப்பு கலந்து நன்கு கொதிக்கவிடவும்.

கொதிக்க ஆரம்பித்தவுடன், சீரகம், மிளகுத் தூள் சேர்த்து, நுரைத்து வரும்போது, மல்லி இலை தூவி இறக்கிவிடவும். ***நிறைய நேரம் கொதிக்க விடக்கூடாது. சுவை மாறிவிடும். நுரைத்து வரும் போது இறக்கிவிடவேண்டும்.

இப்போது கண்கவர் மஞ்சள் நிறத்தில், சுவையான துவரம் பருப்பு ரசம் சுவைக்கத்தயார்.

வெள்ளை சாதத்துடன் கலந்து சாப்பிட சுவையோ தனிச்சுவை. அனைவரும் செய்து ருசிக்கவும்.