உங்களிடம் சாமை அரிசி மாவு ரெடி மேடாக கிடைத்தால் அதை வாங்கி உபயோகப்படுத்திக் கொள்ளுங்கள் இல்லை என்றால் கடையில் சாமை அரிசி வாங்கி அதை மிஷினில் கொடுத்து நைசாக அரைத்துக்கொள்ளுங்கள்.

இப்பொழுது புட்டு செய்வதற்கு சாமை அரிசியை தண்ணீர் சிறிது சிறிதாக தெளித்து நன்கு பிசைந்து வைத்து அதை ஒரு வெள்ளைத்துணியில் வைக்க வேண்டும்.

நீங்கள் இட்லி பாத்திரத்தில் செய்வதாக இருந்தால் முதலிலேயே தண்ணீர் வைத்து ப்ரீ ஹிட் செய்து வைத்திருக்க வேண்டும். குக்கர் ஆக இருந்தால் அது தேவையில்லை.

இப்பொழுது பிசைந்து வைத்த மாவை அந்த துணியுடன் சேர்த்து இட்லி பாத்திரத்தில் வைத்து 15 நிமிடம் வேக வைக்க வேண்டும். குக்கரில் செய்வதாக இருந்தால் மூன்று விசிலில் எடுத்துவிடவும்.

எடுத்து நன்கு ஆறவிடவும். அதற்கிடையில் மிக்சி ஜாரில் 50 கிராம் பொட்டுக்கடலை 50 கிராம் வேர்க்கடலை சேர்த்து நன்றாக கொரகொரவென்று அரைத்து எடுத்துக் கொள்ள வேண்டும். வெல்லத்தை நன்றாக துருவி வைத்துக் கொள்ள வேண்டும். தேங்காயையும் நன்கு துருவி வைத்துக் கொள்ள வேண்டும். நெய் உருக்கி 50 கிராம் அளவு எடுத்து வைத்துக் கொள்ளவும்.

இப்பொழுது இந்த அனைத்தையும் ஆற வைத்திருக்கும் பொட்டில் சேர்த்து நன்கு கலந்து கொள்ளவும். வெதுவெதுப்பான சூட்டில் கலந்து வைத்துக் கொள்ளவும்.