ஒரு ஸ்பூன் நெய்யில் மிளகு சீரகம் வறுத்து நைசாக பொடி செய்து வைக்கவும்.பீர்க்கங்காயை கழுவி லேசாக தோல் சீவி நறுக்கி வைக்கவும். ஒரு தக்காளி கழுவி நறுக்கி வைக்கவும் பூண்டு ஆறு பல் உரித்து.வைக்கவும். ஒரு பெரிய வெங்காயம் பாதி அளவு நறுக்கி வைக்கவும்.

நறுக்கிய காய்கறிகளை ஒரு குக்கரில் போட்டு மூழ்கும் வரை தண்ணீர் விட்டு சிம்மில் வைத்து இரண்டு விசில் விடவும். வெந்ததும் இறக்கி ஆறவிடவும். மிக்ஸியில் சேர்த்து மைய அரைக்கவும். ஒரு பாத்திரத்தில் ஊற்றி லேசாக சூடு செய்து இறக்கவும். தேவையான உப்பு சேர்த்து கலந்து விடவும். வெதுவெதுப்பான பால் ஒரு டம்ளர் அதில் ஊற்றி கலந்து விடவும்.

நைசாக பொடித்த மிளகு சீரகம் பொடி மேலே தூவி விடவும். மல்லி தழை தூவவும். சுவையான பீர்க்கங்காய் பால் சூப் தயார்

பீர்க்கங்காய் உடலுக்கு மிகவும் நல்லது.சர்க்கரை அளவை குறைக்கும். நோய் எதிர்ப்பு சக்தி வரும். வாரம் இருமுறையேனும் நமது உணவில் பீர்க்கங்காயை சட்னி, சாம்பார், சூப், பொரியல்,என சேர்த்து ஆரோக்கியமாக இருக்கலாம். நீங்களும் செய்து பாருங்கள்.