தேவையான பொருட்களை எடுத்துக் கொள்ளவும். மிளகு, சீரகம், பூண்டு பல் மிக்ஸி ஜாரில் எடுத்துக் கொள்ளவும். புளியையும், தக்காளியையும் சிறிது தண்ணீரில் ஊற வைக்கவும்

தூதுவளை இலையை சுத்தம் செய்து நன்கு கழுவி தண்ணீர் வடிய விட்டு அதனையும் மிக்ஸி ஜாரில் சேர்த்து அனைத்தையும் சிறிது அரை பதமாக அரைத்து எடுத்துக் கொள்ளவும். தக்காளியையும், புளியையும் நன்கு கரைத்து கரைசலை தனியே எடுத்துக்கொள்ளவும்

கடாயில் எண்ணெய் விட்டு காய்ந்ததும் கடுகு, சீரகம், சோம்பு, வெந்தயம், பெருங்காயத்தூள் தாளிக்கவும். பச்சை மிளகாய், கறிவேப்பிலை சேர்த்து வதக்கவும்

பிறகு ஜாரில் அரைத்து வைத்துள்ளதை சேர்த்து வதக்கவும். பிறகு புளி, தக்காளி கரைசலை ஊற்றவும்

பிறகு மஞ்சள் தூள், தேவையான அளவு உப்பு சேர்த்து ஒரு கொதி விடவும். கொதி வரும் போது கொத்தமல்லித் தழை தூவி அடுப்பை அணைக்கவும்.

தூதுவளை ரசம் ரெடி