மீதமான சாதத்தில் குழல் அப்பம்

ஒரு மிக்ஸி ஜாரில் முக்கால் கப் வடித்த சாதம், 3 ஸ்பூன் தேங்காய் துருவல், நான்கு பல் பூண்டு,கால் ஸ்பூன் சீரகம் எல்லாத்தையும் போட்டு நன்கு தண்ணீர் தெளித்து அரைக்கவும்

அரைத்தவற்றை ஒரு பாத்திரத்தில் போட்டுஒரு ஸ்பூன் மிளகாய்த்தூள் ஒரு கப் பச்சரிசி மாவு எல்லாத்தையும் போட்டு நன்கு கிளறவும்.

பிறகு அவற்றை தண்ணீர் தெளித்து முறுக்கு மாவு பதத்திற்கு பிசைந்து வைக்கவும்.பிறகு சிறு சிறு உருண்டைகளாக உருட்டி கொள்ளவும்.

ஒரு காகிதக் கவரை எடுத்து அதன் மேல் எண்ணெய் தடவி அந்த உருண்டைகளை வைத்து நீளவாக்கில் தட்டிக் கொள்ளவும்.

பிறகு நம் ஒரு விரலில் எண்ணெய் தடவிக் கொண்டு அந்த மாவின் ஒரு பக்கத்தை விரலின் மேலே வைத்து மறுபக்கத்தை அதன் மேல் வைத்து ஒட்டவும்‌. இப்போது வடிவம் வந்துவிடும். இதே மாதிரி எல்லா மாவுகளையும் செய்து கொள்ளவும்.

அடுப்பில் ஒரு வாணலியை வைத்து பொறிக்க தேவையான அளவு எண்ணெய் ஊற்றி சுருட்டி வைத்திருந்த குழல் அப்பத்தை அந்த எண்ணெயில் போட்டு பொரித்தெடுக்கவும்.