சாக்லேட் ட்ரிஃபில் கேக் (Chocolate truffle cake recipe in Tamil)

ஒரு பாத்திரத்தில் வெதுவெதுப்பான பால், எண்ணெய், பொடித்த சர்க்கரை,வினிகர் மற்றும் வெண்ணிலா எசன்ஸ் சேர்த்து ஒரு டீஸ்பூன் வைத்து கலக்கி 5 நிமிடங்கள் மூடி வைக்கவும். 5 நிமிடங்கள் கழித்து மூடியைத் திறந்து விஸ்க் /பிளன்டர் வைத்து கலக்கி அதன் மேல் ஒரு சல்லடை வைத்து மைதா மாவு,பேக்கிங் பவுடர், பேக்கிங் சோடா, கோகோ பவுடர் சேர்த்து நன்கு சலித்துக்கொள்ளவும்.

இந்த கலவையை ஒரு விஸ்க் வைத்து கட்டி இல்லாமல் கலக்கி வைத்துக் கொள்ளவும். ஒரு அடி கனமான கடாயில் ஒரு ஸ்டாண்ட் வைத்து மூடி போட்டு பத்து நிமிடங்கள் மிதமான தீயில் சூடேற்றி வைத்துக் கொள்ளவும். ஒரு வட்டமான பாத்திரத்தில் உள்ளே சிறிதளவு எண்ணெய் ஊற்றி நன்கு தடவிக் கொண்டு கலந்து வைத்துள்ள மாவை இதனுள் ஊற்றி ஒரு தட்டு தட்டி சூடேற்றிய கடையில் உள்ளே வைத்து மூடி போட்டு மூடி 50 அல்லது 55 நிமிடங்கள் வரை வேக வைத்துக் கொள்ளவும்.

கேக் நன்றாக ஆறிய பிறகு ஒரு தட்டிற்கு மாற்றி குச்சியை வைத்து அங்குங்கு ஓட்டை போட்டுக் கொண்டு சர்க்கரை கலந்த தண்ணீரை டீ ஸ்பூனில் எடுத்து கேக்கின் மேல் சிறிது சிறிதாக ஊற்றி தடவி வைத்துக் கொள்ளவும். ஒரு பாத்திரத்தில் பட்டர்,டார்க் சாக்லேட் மற்றும் பால் சேர்த்து மிதமான தீயில் கிளறிக் உருக்கி கொண்டால் சாக்லெட் சிரப் தயார். இதனை கேக் முழுவதும் படும்படி சாக்லெட் சிரப்பை ஊற்றிக் கொள்ளவும்.

கேக்கின் ஓரங்களை முந்திரி துண்டுகளை ஒட்டி விடவும். பிறகு கேக்கின் மேல் சாக்லேட்டை வைத்து அலங்கரித்தால் பேக்கரியில் வாங்கியது போல சுவையான கேக் தயார். இனிமேல் எந்தவிதமான அசாதாரணமான சூழ் நிலைகளிலும் வீட்டிலேயே சிறப்பாக நாம் கேக்கை தயார் செய்யலாம்.