முதலில் எல்லா பொருட்களையும் கொடுத்து உள்ள அளவுகள் படி எடுத்து வைத்துக் கொள்ளவும். ஒரு பாத்திரத்தில் எண்ணெய், வெதுவெதுப்பான தண்ணீர்,வினிகர் வெண்ணிலா எசன்ஸ் ஊற்றி கலக்கிக் கொண்டு அதன் மேல் ஒரு சல்லடை வைத்து மைதா மாவு, பொடித்த சர்க்கரை,பேக்கிங் பவுடர்,பேக்கிங் சோடா, பால் பவுடர் போட்டு நன்றாக சலித்துக் கொள்ளவும்.

ஒரு விஸ்க் வைத்து கட்டியில்லாமல் கலந்து கொண்டு ஒரு வட்டமான பாத்திரத்தில் எண்ணெய் தடவி அதில் இந்த கலவையை ஊற்றி 45-50 நிமிடங்கள் வரை வேகவிடவும்.

குறிப்பு :- ஒரு கடாயில் ஸ்டாண்ட் வைத்து பத்து நிமிடங்கள் மிதமான தீயில் வைத்து பிரிஹீட் செய்து கொள்ளவும்.45/50 நிமிடங்கள் கழித்து திறந்து ஒரு பல் குத்தும் குச்சி வைத்து குத்தி பார்த்து ஒட்டாமல் வந்தால் முட்டை/பால் இல்லாத கேக் தயார்.இதை துண்டுகளாக போட்டு கொடுத்தால் குழந்தைகள் முதல் பெரியவர்கள் வரை மிகவும் விரும்பி சாப்பிடுவார்கள்.