பிறகு இதில் மைதா மாவு, உப்பு, 2டேபிள் ஸ்பூன் வெண்ணெய் சேர்த்து கலந்து விட்டு கைகளால் நன்கு அழுத்தம் கொடுத்து சப்பாத்தி மாவு பதத்திற்கு பிசைந்து வைத்து மூடி போட்டு 1 மணி நேரம் வைக்கவும்.மாவு இரண்டு மடங்காக உப்பி வந்து விடும்.

பிறகு இதனை நன்கு அழுத்தம் கொடுத்து பிசைந்து சம துண்டுகளாக கத்தியால் நறுக்கி உருண்டைகளாக உருட்டி கொள்ளவும்.

பின்னர் இதனை வட்ட வடிவில் தேய்த்து அதன் மேல் எல்லா இடங்களிலும் படும் படி வெண்ணெய் தடவி வைக்கவும்.இதே போல் ஒவ்வொரு உருண்டைகளையும் ஒரே வடிவில் உருட்டி வெண்ணெய் தடவி ஒன்றின் மேல் ஒன்றாக வைக்கவும்.

கடைசி உருண்டயை முன்பு விட சற்று பெரியதாக தேய்த்து மற்ற தேய்த்த லேயர் மீது வைத்து எல்லா பக்கங்களிலும் கவர் செய்து வைத்து கொள்ளவும். பிறகு இதனை இன்னும் சற்று அழுத்தம் கொடுத்து வட்ட வடிவில் தேய்த்து கொள்ளவும்.

கத்தியால் சம பாகமாக 8 பகுதியாக கட் செய்து கொள்ளவும்.ஒவ்வொரு துண்டுகளாக தட்டில் தனியே எடுத்து வைக்கவும்.

பின்னர் ஒரு பவுலில் சாக்லேட் துண்டுகள் எடுத்து கொள்ளவும். இந்த நறுக்கிய ஒரு மாவு துண்டை எடுத்து அதன் முக்கோண வடிவில் கீழ் பகுதியில் மத்தியில் சிறிதளவு கட் செய்து அதன் நடுவில் ஒரு சாக்லேட் துண்டை வைக்கவும்.

பின் அதனை அப்படியே உருட்டி கொள்ளவும். இதேபோல் எல்லா துண்டுகளையும் செய்து வைக்கவும்.

பிறகு பேக் ட்ரேயில் வெண்ணெய் தடவி இந்த துண்டுகளை சிறிதளவு இடைவெளி விட்டு வைத்து அப்படியே 10 நிமிடம் வைக்கவும்.சிறிது பெரிதாக வரும்.ஓவனை 180 டிகிரி செல்சியஸில் 5 நிமிடம் கன்வக்ஷன் மோடில் ப்ரீஹுட் செய்யவும்.

பின்னர் இந்த துண்டுகளின் மேல் பால் தொட்டு லேசாக ப்ரஷ் செய்து கொள்ளவும். பிறகு ஓவனில் வைத்து 180 டிகிரி செல்சியஸ் 25 நிமிடம் பேக் செய்து எடுக்கவும்.

பிறகு வெளியே எடுத்து அதன் மேல் வெண்ணெய் தொட்டு சிறிதளவு ப்ரஷ் செய்து கொள்ளவும்.

சூப்பரான சுவையான சாக்லேட் க்ராஸண்ட் தயார். நன்றி