முதலில் ஒரு கப் பருப்பை கழுவி தண்ணீர் மற்றும் கால் ஸ்பூன் மஞ்சள் தூள் சேர்த்து குக்கரில் 2 அல்லது 3 விசில் விட்டு வேக வைக்கவும். பருப்பை குழைய வைக்க வேண்டாம் தனியாக எடுத்து வைத்துக் கொள்ளவும். சிறிய வெங்காயம் தோல் உரித்து வைத்துக்கொள்ளவும் ஒரு தக்காளி அரிந்து வைத்துக் கொள்ளவும் சிறிய மிளகாய் ஆக இருந்தால் 3 பச்சை மிளகாய் அல்லது பெரிய மிளகாய் ஆக இருந்தால் 2 அறிந்து வைத்துக் கொள்ளவும். ஒரு நெல்லிக்காய் அளவு புளி ஊற வைத்து தண்ணி ஆக கரைத்து வைத்துக் கொள்ளவும்.

ஒரு வாணலியில் ஒரு டேபிள்ஸ்பூன் தேங்காய் எண்ணெய் சேர்த்து அதில் கால் ஸ்பூன் வெந்தயம் சேர்க்கவும். வெந்தயம் சிவந்தவுடன் உரித்த சிறிய வெங்காயம், பச்சை மிளகாய் சேர்த்து வதக்கவும். கொஞ்சம் வதங்கியவுடன் நீர்க்க கரைத்த வைத்த புளி தண்ணீர், கட்டி பெருங்காயம் சேர்க்கவும். மஞ்சள் தூள் கால் ஸ்பூன் சேர்த்து கொள்ளவும். ஒரு மூன்று நிமிடம் புளித் தண்ணீர் கொதித்தவுடன் அதில் முதலில் அரிந்து வைத்த சிவப்பு பூசணிக்காய், முருங்கைக்காய், சேப்பகிழங்கு அவர காய் இவற்றை சேர்க்கவும்.

மேற்கூறிய காய்கள் கொஞ்சம் வேக விடவும். அதற்குள் ஒரு நான்-ஸ்டிக் தவாவில் ஒரு டேபிள் ஸ்பூன் தேங்காய் எண்ணெய் சேர்த்து அதில் ஒன்றரை ஸ்பூன் காஷ்மீரி மிளகாய்த்தூள் மற்றும் 2 ஸ்பூன் கொத்தமல்லி தூள் சேர்த்து லேசாக வறுக்கவும். மனம் வந்தால் போதும். கருக விட்டுவிட வேண்டாம்.

இப்போது அரிந்து வைத்த கத்திரிக்காயை மற்ற காய்கறிகளுடன் சேர்க்கவும்.புளித் தண்ணீர் பத்தவில்லை என்றால் கொஞ்சம் சுடுதண்ணீர் வைத்து சேர்த்துக் கொள்ளவும். கொஞ்சம் வெந்தவுடன் வெண்டைக்காய் துண்டுகளை சேர்க்கவும். வேகவிடவும். முதலிலேயே கத்திரிக்காய் சேர்த்தால் குறைந்துவிடும்.வெண்டைக்காய் சேர்த்தால் குழம்பு வளவளவென்று ஆகிவிடும். ஒன்றின் பின் ஒன்றாக சேர்க்கவும். ஒரு கொதி வந்தவுடன் வறுத்து அரைத்த மிளகாய் தூள் கலவையை சேர்க்கவும். கலந்து விடவும். 3நிமிடம் வேகவிடவும்.

பிறகு வேக வைத்த பருப்பை சேர்க்கவும். நன்கு கலந்து விடவும். தேவை என்றால் கொஞ்சம் சுடு தண்ணீர் சேர்த்துக் கொள்ளவும். தக்காளியை சேர்க்கவும். நன்கு எல்லா காய்களையும் வேகவிடவும். மூடி வைக்க வேண்டாம். நிறம் மாறும்

இப்போது கால் ஸ்பூன் வெந்தயத்தூள், சுவைக்காக மீண்டும் கால் ஸ்பூன் வரை பெருங்காயத்தூள் சேர்க்கவும். வெல்லம் சேர்க்கவும் ஒரு தாளிக்கும் கரண்டியில் ஒரு ஸ்பூன் தேங்காய் எண்ணெய் சேர்த்து காய்ந்தவுடன் அதில் கடுகு வரமிளகாய் மற்றும் கறிவேப்பிலை சேர்த்து தாளித்து குழம்பில் சேர்க்கவும். இப்போது மூடி போட்டு மூடிவிடவும்.இப்படி செய்வதால் சாம்பார் மிகவும் மணமாக இருக்கும்.

இன்று எங்கள் வீட்டில் மதிய உணவு முழுக்க முழுக்க கேரளா ஸ்டைல் உணவாகும்.மட்ட அரிசி சாப்பாடு, சத்ய சாம்பார், சேன காய காலன், ரசம், கத்லி பழம், மற்றும் தயிர். அனைத்தும் மிகவும் சுவையாக இருந்தது ரசித்து, ருசித்து சாப்பிட்டோம். கேரளாவில் இருந்தது போல் இருந்தது.