முதலில் நூறு கிராம் துவரம் பருப்பை கழுவி குக்கரில் தேவையான அளவுதண்ணீர் சேர்த்து 1/4 ஸ்பூன்மஞ்சள் தூள்,1/4 ஸ்பூன் விளக்கெண்ணெய் சேர்த்து ஐந்து விஷில் விட்டு குழைய வேகவைத்துக்கொள்ளவும். சின்ன வெங்காயம் 15 தோலுரித்துக் கொள்ளவும் தக்காளி கழுவி பொடியாக அறிந்து கொள்ளவும். புளியை ஊற வைத்துக் கரைத்துக்கொள்ளவும்.

ஒரு வாணலியில் ஒரு ஸ்பூன் எண்ணெய் சேர்த்து அதில் வெங்காயம் பிறகு தக்காளி சேர்த்து வதக்கிக் கொள்ளவும். வேண்டிய அளவு தண்ணீர் சேர்த்து அதில் 2 ஸ்பூன் சாம்பார் தூள், உப்பு சேர்த்துக் கொள்ளவும். மூடிவைத்து வெங்காயத்தை நன்கு வேகவைக்கவும். வெங்காயம் வெந்த உடன் வெந்த பருப்பை அதில் சேர்க்கவும். ஒரு கொதி விடவும். பிறகு கரைத்த புளித்தண்ணீரை சேர்த்து கொதிக்கவிடவும்

இதற்கிடையில் ஒரு சிறிய வாணலியில் ஒரு ஸ்பூன் எண்ணெய் சேர்த்து அதில் கால் ஸ்பூன் உளுத்தம் பருப்பு, அரை ஸ்பூன் கடலைப்பருப்பு, ஒரு ஸ்பூன் வரக்கொத்தமல்லி, 3/4 ஸ்பூன் வெந்தயம், அரை ஸ்பூன் சீரகம்,2 வர மிளகாய் சேர்த்து சிவக்க வறுத்துக்கொள்ளவும். இதனுடன் ரெண்டு ஸ்பூன் தேங்காய் துருவலை சேர்த்து மிக்ஸியில் நைசாக அரைத்துக் கொள்ளவும்.

அரைத்த விழுதை கொதிக்கும் சாம்பாரில் 1/2 ஸ்பூன் சர்க்கரைசேர்த்து கொதிக்க விடவும்.. பிறகு தாளிக்கும் கரண்டியில் ஒரு ஸ்பூன் என்னை சேர்த்து ஒரு ஸ்பூன் கடுகு அரை ஸ்பூன் உளுத்தம் பருப்பு, அரை ஸ்பூன் பெருங்காயத்தூள், 2 கிள்ளிய வரமிளகாய் மற்றும் கருவேப்பிலை சேர்த்து அதனுடன் இரண்டு சிறிய வெங்காயத்தை தட்டி சேர்க்கவும். ஒரு நிமிடம் வதக்கி சாம்பாரில் சேர்க்கவும். கடைசியாகநெய் ஒரு ஸ்பூன், கொத்தமல்லி தழை சேர்க்கவும் இட்லி தோசைக்கு தொட்டுக்கொள்ள மிகவும் சுவையாக இருக்கும். மினி சாம்பார் இட்லியும் செய்யலாம்.