ஒரு கிண்ணத்தில் ஒரு கப் மைதா மாவு எடுத்து கொண்டு அதில் சிட்டிகை கலர் பவுடர் சேர்த்து கலந்து கொள்ளவும். பின்னர் 1ஸ்பூன் நெய் சேர்த்து கலந்து கொள்ளவும். பின்னர் தயிர் சேர்த்து பிசையவும். பிறகு தேவையான அளவு தண்ணீரை சிறிது சிறிதாக சேர்த்து திக்காக கரைத்து மூடி வைக்கவும்.

ஒரு கடாயில் வெல்லம் மற்றும் சிறிது தண்ணீர் சேர்த்து அடுப்பில் வைத்து வெல்லம் ஒரு கம்பி பதம் வரும் வரை கொதிக்க விடவும். பின்னர் அதில் ஏலக்காய் தூள் மற்றும் 5சொட்டு எலுமிச்சை சாறு சேர்த்து விரும்பினால் ஆரஞ்சு கலர் சிறிது கலந்து எடுத்து வைக்கவும்.

பின்னர் கரைத்து வைத்துள்ள மைதா மாவுடன் சிறிது சோடா மற்றும் எலுமிச்சை சாறு கலந்து கொள்ளவும். பின்னர் ஒரு கடாயில் ஜிலேபி பொறிக்க தேவையான அளவு எண்ணெயை சூடாக்கி விட்டு ஒரு பால் பாக்கெட் கவரில் மைதா மாவை எடுத்து கொண்டு பால் பாக்கெட்டின் ஒரு மூலையில் சிறு துளை அளவு வெட்டி கொண்டு சூடான எண்ணெயில் ஜிலேபியை பிழியவும். ஜிலேபி இருபுறமும் நன்கு வெந்ததும் சூடாக எடுத்து வெல்லப்பாகில் ஊற விட்டு எடுத்தால் சுவையான உடனடி ஜிலேபி தயார்.