சாம்பார் வடை (Sambar vadai)

துவரம் பருப்பு, பாசிப்பருப்பை நன்கு கழுவி குக்கரில் சேர்த்து மஞ்சள் தூள், நறுக்கிய வெங்காயம், தக்காளி, பச்சை மிளகாய், கேரட், பீன்ஸ், எண்ணை சேர்த்து மூன்று விசில் வைத்து எடுக்கவும்.

குக்கரில் உள்ள பருப்பு சூடாறியவுடன் எடுத்து, பாத்திரத்தில் சேர்த்து புளி கரைத்த தண்ணீர், உப்பு கலந்து, வறுத்து அரைத்த பொடி சேர்த்து நன்கு கலந்து, தேவையான தண்ணீர் சேர்த்து (கொஞ்சம் தண்ணீர் அதிகம் சேர்க்கவும்) கொதிக்கவைக்கவும்.

வறுக்க கொடுத்துள்ள பொருட்களை வெறும் வாணலியில் சேர்த்து வறுத்து, மிக்ஸி ஜாரில் சேர்த்து நைசாக அரைத்துக்கொள்ளவும்.

பின்னர் உளுந்து மாவை அரைத்து, வடை பொரித்து, சாம்பாரில் சேர்த்தால் சுவையான சாம்பார் வடை தயார்.

வடை மாவு அரைப்பது குறித்த செய்முறை என் தயிர் வடை செய்யும் பதிவில், உளுந்துவடை என கொடுத்துள்ளேன். அனைவரும் seithu சுவைக்கவும்.