பருப்பு வகைகளை இரண்டு மணி நேரம் ஊற வைக்கவும். பீட்ரூட்டை துருவிக் கொள்ளவும், சின்னதாக நறுக்கிய வெங்காயம், கருவேப்பிலையை எடுத்து வைத்துக் கொள்ளவும்.

ஒரு மிக்ஸி ஜாரில் பருப்பு அத்துடன் காய்ந்த மிளகாய் சோம்பு சீரகம் சேர்த்து தண்ணீர் சேர்க்காமல் கரகரப்பாக அரைத்தெடுக்கவும்.

ஒரு கடாயில் ஒரு குழி கரண்டி எண்ணெய் ஊற்றி கடுகு உளுந்து தாளித்து வெங்காயம் கருவேப்பிலை சேர்த்து 2 நிமிடம் வதக்கவும். பிறகு பீட்ரூட் சேர்த்து ஒரு நிமிடம் வதக்கவும்.

பிறகு அதில் பருப்பு கலவை, மஞ்சள்தூள், தேவையான அளவு உப்பு சேர்த்து நன்றாக கிளறவும். அடுப்பை சிம்மில் வைத்து 15 நிமிடம் அடிக்கடி கிளறிக் கொண்டே வேகவிட்டு எடுக்கவும். கடைசியாக உதிராக இதை சைட் டிஷ் ஆக எல்லா சாதத்துடன் பரிமாறலாம்.