வரகு அரிசி கிச்சடி (Varagu arisi kichadi recipe in tamil)

ஒரு கப் வரகு அரிசியை வெறும் வாணலியில் நன்கு சூடு ஏறும் வரை வறுத்துக் கொள்ளவும்.ஒரு மூன்று நிமிடம் வரை வறுத்துக் கொள்ளலாம் வாசம் வரும். அது வரை வறுக்கவும். தண்ணீரில் நன்கு கழுவி வைத்துக் கொள்ளவும். மேற்கூறிய காய்கறிகளை பொடியாக அரிந்து கொள்ளவும். தேவையான பொருட்களை எடுத்து வைத்துக் கொள்ளவும். முந்திரிப் பருப்பு மற்றும் நெய் உங்களுடைய விருப்பம். சேர்த்து செய்தால் குழந்தைகள் விரும்பி சாப்பிடுவார்கள். பச்சைப்பட்டாணி என்னிடம் இல்லை அதனால் சேர்க்கவில்லை.

வாணலியில் எண்ணெய் சேர்த்து காய்ந்தவுடன் கடுகு சேர்க்கவும். கடுகு பொரிந்தவுடன் உளுத்தம் பருப்பு, கடலைப் பருப்பு, முந்திரி சேர்த்து சிவக்க வறுக்கவும். பிறகு பச்சை மிளகாய், வெங்காயம்,மற்ற காய்கறிகளை சேர்த்து நன்கு வதக்கவும். காய்கறிகள் நன்கு வதங்கியவுடன் ஒரு கப்புக்கு மூன்றரை கப் வரை தண்ணீர் சேர்த்து அதில் உப்பு சேர்த்து கொதிக்கவிடவும். மஞ்சள்தூள் சேர்த்துக் கொள்ளவும்.

தாளித்த தண்ணீர் கொதிக்க ஆரம்பித்தவுடன் சாமை அரிசியை சேர்த்து நன்கு கலந்து விடவும். பிறகு இதை குக்கருக்கு மாற்றி ஒரு சவுண்ட் விடவும். பிறகு அடுப்பை சிம்'மில் வைத்து இரண்டு சவுண்ட் வரை விடவும். அல்லது பத்து நிமிடம் சிம்மில் இருக்கட்டும்.