தேவையான அனைத்து பொருட்களையும் கழுவி சுத்தம் செய்து கொள்ளவும். வெங்காயத்தை சன்னமாக அ ரிந்து கொள்ளவும். பச்சைமிளகாயை நீளவாக்கில் அரிந்து கொள்ளவும். மாஇஞ்சி, கேரட், பீன்ஸ், தக்காளி ஆகியவற்றை பொடியாக அரிந்து கொள்ளவும். பச்சை பட்டாணி எடுத்துக் கொள்ளவும்.

பிரஷர் பேனில் என்னை எண்ணெய் சேர்த்து காய்ந்தவுடன் அதில் கடுகு, உளுத்தம்பருப்பு,கடலைப்பருப்பு, இரண்டு முழு வரமிளகாய், பச்சை மிளகாய் சேர்த்து சிவக்க வதக்கி கொள்ளவும். பிறகு வெங்காயத்தை சேர்த்து ஒரு நிமிடம் வதக்கவும். பின்பு தக்காளியை சேர்த்து வதக்கவும்.அதன்பிறகு எல்லா காய்கறிகளையும் சேர்த்து 2 நிமிடம் வதக்கவும். ஒரு டம்ளர் தானியத்திற்கு 4 டம்ளர் தண்ணீர் வீதம் சேர்த்துக் கொள்ளவும்.

பிறகு அதில் உப்பு, மஞ்சள் தூள் சேர்த்துக் கொள்ளவும்.தண்ணீர் கொதித்தவுடன், கழுவி தண்ணீர் வடித்து வைத்த வரகு தானியத்தை சேர்த்து கட்டியில்லாமல் நன்கு கிளறிவிடவும். பிறகு குக்கரை மூடி இரண்டு சத்தம் விட்டு,பிறகு 10 நிமிடம் வரை சன்னமான தீயில் வைத்திருக்கவும். இப்போது அடுப்பை நிறுத்தி விடவும். ஆவி அடங்கிய பின் குக்கரை திறந்து பார்க்கவும். அதில் பொடியாக அரிந்த கொத்தமல்லி கறிவேப்பிலை சேர்த்து நன்கு கிளறி விடவும்.

சுவையான சத்தான கலோரி குறைவான உப்புமா ரெடி. தொட்டுக்கொள்ள பொட்டுக்கடலை தேங்காய் சட்னி சுவையாக இருக்கும். சாம்பாரும் சேர்த்து வைத்துக் கொள்ளலாம். இன்று எங்கள் வீட்டில் வரகு உப்புமாவும் இட்லியும் காலை டிபன் ஆகும்.