மேற்கூறிய தேவையான எல்லா பொருட்களை எடுத்து வைத்துக் கொள்ளவும்.துவரம் பருப்பு, பாசிப் பருப்பு மற்றும் கடலைப் பருப்பு மூன்றையும் நன்கு கழுவி 3 மணி நேரம் தனித்தனியாக ஊற வைத்துக் கொள்ளவும். வேகவைத்த சோளக் கதிரை கால் கப் எடுத்து வைத்துக் கொள்ளவும். அரிந்த இஞ்சி, மிளகாய், கருவேப்பிலை, ஒன்று இரண்டாக நுனுக்கிய சீரகம் மிளகு, நறுக்கிய கொத்தமல்லி, துருவிய தேங்காய், பொடியாக நறுக்கிய முருங்கை கீரை பெருங்காயத் தூள் அனைத்தையும் தயாராக எடுத்து வைத்துக் கொள்ளவும்.

பருப்பு வகைகள் மூன்று மணி நேரம் ஊறிய பிறகு தண்ணீரை நன்கு வடித்து மிக்ஸியில் கரகரப்பாக அரைத்துக் கொள்ளவும். பருப்பு ஊற வைக்கும் பொழுது பாசிப்பருப்பை தனியாக ஊற வைத்து அதில் ஒரு ஸ்பூன் பாசிப்பருப்பை தனியாக எடுத்து வைத்துக் கொள்ளவும். இதே போல் வேக வைத்த சோளக்கதிர் ஒரு ஸ்பூன் தனியாக எடுத்து வைத்துக் கொள்ளவும்.மீதி பாசிப்பருப்பு மற்றும் சோளக் கதிரை மற்ற பருப்புகளுடன் சேர்த்து கரகரப்பாக அரைத்துக் கொள்ளவும் தண்ணீர் சேர்க்காமல் அரைத்துக் கொள்ளவும்.

இப்போது அரைத்த பருப்பு வகைகளுடன் அரிந்து வைத்த எல்லா பொருட்களையும் சேர்க்கவும்.தனியாக எடுத்து வைத்த முழு பாசிப் பருப்பு ஒரு ஸ்பூன் மற்றும் வேக வைத்த சோளக்கதிரில் ஒரு ஸ்பூன் சேர்த்து கொள்ளவும். உப்பு தேவையான அளவு சேர்த்துக் கொள்ளவும். எல்லாவற்றையும் நன்றாக பிசைந்து கலந்து கொள்ளவும். தண்ணீர் சேர்க்க வேண்டாம்.

ஒரு இட்லி பானையில் தண்ணீர் சேர்த்து கொதிக்கவிடவும்.கைகளில் எண்ணெய் தடவிக் கொண்டு மாவினை ஓவல் ஷேப்பில் பிடித்து எண்ணை தடவிய இட்லி தட்டில் வைக்கவும். மூடிக் கொண்டு மூடவும்.இதை இட்லி பானையில் வைத்து 15லிருந்து 20 நிமிடம் வரை வேக விடவும்.

20 நிமிடங்கள் கழித்து இட்லி பானையை திறந்து கொழுக்கட்டை வெந்து விட்டதா என்று பார்க்கவும். இந்த கொழுக்கட்டைக்கு மிளகாய் சட்னி, தேங்காய் சட்னி சுவையாக இருக்கும்.