பட்டாணி மசாலா சுண்டல்

முதல் பட்டாணியை எட்டு மணி நேரம் ஊற வைத்து தேவையான தண்ணீர் ஒரு உருளைக்கிழங்கு சேர்த்து 3 விசில் வேகவைத்து எடுக்கவும்.

வெங்காயம் தக்காளியை பொடியாக நறுக்கி வைக்கவும். வெந்த உருளைக்கிழங்கை நன்றாக மசித்துக் கொள்ளவும். தேவையானவற்றை தயாராக எடுத்துக் கொள்ளவும்

வாணலியில் எண்ணெய் ஊற்றி வெங்காயம் சேர்த்து 2 நிமிடம் வதக்கி இஞ்சி பூண்டு சேர்த்து பச்சை வாசனை போக வதக்கவும். பிறகு தக்காளி சேர்க்கவும்.

இப்போது தேவையான அளவு உப்பு சேர்த்து நன்றாக வதக்கவும். தூள் வகைகளை சேர்த்து 2 நிமிடம் கிளறி பிறகு பட்டாணி சேர்க்கவும்

இப்போது உருளைக்கிழங்கை சேர்த்து ஒரு டம்ளர் தண்ணீர் ஊற்றிமூடி போட்டு மிதமான தீயில் 5 நிமிடம் வேக விடவும்.

கொஞ்சம் தண்ணீராக இருக்குமாறு பார்த்துக் கொள்ளவும். அப்போதுதான் சுவையாக இருக்கும். உருளைக்கிழங்கை மசிக்கும் கரண்டியால் இரண்டு மூன்று தடவை மசித்து விடவும். நன்றாக சேர்ந்தாற்போல வரும். அலங்கரிக்க சிறிது வெங்காயம் கொத்தமல்லி தழைகளை சேர்த்து அலங்கரித்து பரிமாறலாம்.

மாலை நேர மழைக் காலங்களில் இந்த பட்டாணி சுண்டல் மற்றும் தேநீருடன் சாப்பிட நன்றாக இருக்கும்.