பிரட் நக்கட்ஸ் (Bread nuggets recipe in Tamil)

பிரட் துண்டுகளை சிறிது சிறிதாக நறுக்கிக் கொண்டு கைகளால் உதிர்த்துக் கொள்ளவும்.

நறுக்கிய வெங்காயம், இரண்டு வெள்ளை பூண்டு, பச்சை மிளகாய் சேர்த்துக் கொள்ளவும். அரை ஸ்பூன் மிளகாய்த்தூள் சேர்த்துக் கொள்ளவும்.

ஒரு ஸ்பூன் ரவை, 2 ஸ்பூன் கான்பிளவர் மாவு, சிறிதளவு கறிவேப்பிலை, தேவையான அளவு உப்பு சேர்த்து நன்றாக கலந்து கொள்ளவும். பின்பு சிறிதளவு தண்ணீர் சேர்த்து கெட்டியான பதத்திற்கு பிசைந்து கொள்ளவும்.

பிரட் க்ரம்ஸ் தயார் செய்ய இரண்டு பிரெட் துண்டுகளை மிக்ஸி ஜாரில் போட்டு பல்ஸ் மோடில் அரைத்துக் கொள்ளவும்.

பிரட் கலவையை சிறிதளவு எடுத்து சிலிண்டர் வடிவத்திற்கு உருட்டிக் கொள்ளவும். பின்பு அதை முட்டையில் பிரட்டி பிரட் கிரம்ஸில் பிரட்டி வைத்து கொள்ளவும்

ஒரு கடாயில் பொரிக்க தேவையான அளவு எண்ணெய் ஊற்றி எண்ணெய் சூடானதும் மிதமான சூட்டில் பிரெட் துண்டுகளை போட்டு பொரித்தெடுக்கவும்.

சுவையான பிரட் நக்கட்ஸ் தயார்.