முதலில் வெங்காயத்தை நீளவாக்கில் சன்னமாக நறுக்கிக் கொள்ளவும். கேரட்டைத் துருவிக் கொள்ளவும். பச்சை குடைமிளகாய் சன்னமாக நறுக்கிக்கொள்ளவும்.

ரொட்டித் துண்டுகளின் ஓரங்களை வெட்டி எடுத்து விடவும். பின் ரொட்டித் துண்டுகளை சிறிய அளவில் சதுரமாக வெட்டிக் கொள்ளவும். அதன் பிறகு வாணலியில் எண்ணெய் விட்டு வெங்காயம் சேர்த்து,பின் பூண்டு விழுது சேர்த்து,அதன்பின் கேரட்,குடைமிளகாய் சேர்க்கவும். காரத்திற்கு சில்லி ஃப்ளேக்ஸ் சேர்க்கலாம். உப்பு தேவையான அளவு சேர்க்கவும்.

மேற்கூறிய காய்கறிகள் ஓரளவு வதக்கிய பின் ரெட்டி துண்டுகளை சேர்க்கவும். ஐந்து நிமிடம் பிரட்டவும். பிறகு கொத்தமல்லி தழைகளை சேர்க்கவும். சுவையான சத்தான பிரட் உப்புமா 20 நிமிடங்களில் தயார்.

குழந்தைகளுக்கு சாஸுடன் கொடுக்கலாம். பெரியவர்கள் காபியுடன் சாப்பிடலாம்.