வேக வைத்த உருளைக்கிழங்கை தோல் உரித்து மசித்து ஒரு பாத்திரத்தில் எடுத்துக் கொள்ளவும். பிறகு அதில் உப்பு, மிளகுத்தூள்,சீரகத்தூள் போடவும். பிறகு மஞ்சள் தூள் மிளகாய் தூள் போடவும்.

பிறகு அதில் சோள மாவு பிரட் தூள் போட்டு எல்லாத்தையும் ஒன்று சேர்த்து நன்கு பிசைந்து உருண்டையாக உருட்டி கொள்ளவும்.பிசைந்த மாவை 10 நிமிடங்கள் ஊற வைக்கவும்.

பத்து நிமிடம் கழித்து அந்த மாவை சப்பாத்தி தேய்க்கும் கட்டையில் சிறிது எண்ணெயை தடவி இந்த மாவு உருண்டையை வைத்து சமமாக கையால் பெரிய அளவாக தட்டவும். சிறிய வட்ட வடிவ மூடியை வைத்து தேய்த்த மாவில் அழுத்தி அந்த ரவுண்டு பகுதியை தனியாக எடுத்துக் கொள்ளவும். இதே போல் எல்லா மாவையும் வட்ட வடிவமாக வெட்டி எடுத்துக் கொள்ளவும். ஒரு ஸ்ட்ராவை வைத்து வெட்டிய மாவில் இரண்டு கண் போல செய்யவும். வளைவு உள்ள ஒரு ஸ்பூனை கொண்டு வாய் போன்று செய்யவும். இதே போல் எல்லா மாவையும் செய்து கொள்ளவும்.

அடுப்பில் ஒரு கடாயை வைத்து பொரிக்க தேவையான அளவு எண்ணெய் ஊற்றி எண்ணெய் சூடானதும் ரெடி பண்ணி வைத்த துண்டுகளை எண்ணெயில் போட்டு பொரித்தெடுக்கவும்.