கறியை சுத்தம் செய்து கழுவி குக்கரில் சேர்க்கவும். கூடவே இஞ்சி பூண்டு விழுது, மஞ்சள் தூள், ஒரு தேக்கரண்டி உப்பு சேர்க்கவும்.

இதில் ஒரு கப் தண்ணீர் சேர்த்து கிளறிவிட்டு குக்கரை மூடி விசில் போட்டு 5 விசில் வரை வேகவிடவும்.

அதே சமயத்தில் இன்னொரு குக்கரில் இரவு முழுக்க ஊற வைத்த கொண்டைக்கடலையை சேர்க்கவும். உருளைக்கிழங்கை துண்டுகளாக வெட்டி இவை மூழ்கும் வரை தண்ணீர் சேர்த்து தேவையான அளவு உப்பு சேர்க்கவும்.

இதன் குக்கரை மூடி விசில் போட்டு இரண்டு விசில் கொடுக்கவும். இரண்டு குக்கரும் விசில் அடங்கிய பின் திறக்கவும்.

அடுப்பின் மேல் ஒரு மண் சட்டியை காய வைக்கவும். இதில் வெந்த கொண்டைக்கடலை உருளைக்கிழங்கு மற்றும் வெந்த கறி சாறு அத்தனையும் தண்ணீருடன் சேர்க்கவும். இதில் அரைத்த வெங்காய விழுதை சேர்க்கவும்.

கூடவே மிளகாய்த் தூள், மல்லித் தூள் மற்றும் கரம் மசாலா தூள் சேர்க்கவும்.இதனை கிளறிவிட்டு 2 கத்தரிக்காயை நீளமாக வெட்டி சேர்க்கவும்.

மூடி வைத்து கத்திரிக் காய் வேகும் வரை சமைக்கவும்.தேங்காய் மற்றும் தக்காளியை அரைத்து அந்த விழுதை குழம்பில் சேர்த்து தேவையான அளவு தண்ணீரையும் சேர்த்துக் கொள்ளலாம். உப்பு சரி பார்த்து தேவையான அளவு சேர்த்துக் கொள்ளவும். இதனை மூடி வைத்து 5 நிமிடம் கொதிக்க விடவும்.இப்போது அடுப்பை அணைத்துவிட குழம்பு தயார் இதற்கு தாளிப்பு செய்யலாம்.

ஒரு தாளிப்பு கரண்டியில் எண்ணெய் சூடு செய்து பட்டை, கிராம்பு, ஏலக்காய், கடுகு, சீரகம், கறிவேப்பிலை, பெருங்காயத்தூள் மற்றும் நீளமாக நறுக்கிய பெரிய வெங்காயம் சேர்த்து வதக்கவும்.

வெங்காயம் பொன்னிறமானதும் அடுப்பை அணைத்து தயார் செய்து குழம்பில் சேர்த்து கிளறவும்.சுவையான சன்னா மட்டன் சால்னா இப்போது தயார். சப்பாத்தி, பூரி, சாதம், பரோட்டா, இட்லி, தோசை,குஸ்கா என பலவகையான உணவுடன் இதை பரிமாறலாம்.