முதலில் அடுப்பை பற்ற வைத்து ஒரு கடாயை வைக்கவும் ‌ அதில் 2 டீஸ்பூன் நெய் விட்டு முந்திரி திராட்சையை வறுத்து எடுத்துக் கொள்ளவும். இப்பொழுது அதே கடாயில் 2 டீஸ்பூன் மறுபடியும் நெய் விடவும் அதில் சேமியாவை சேர்த்து லைட்டான பொன்னிறத்தில் வறுத்து எடுத்துக் கொள்ளவும்.

இப்பொழுது அதே கடாயில் பால் 300 மில்லி சேர்த்து நன்கு கொதிக்கவிடவும். பால் நன்கு கொதித்த பிறகு வறுத்து வைத்திருக்கும் சேமியாவை அதில் சேர்த்து நன்கு கலந்து கொள்ளவும். 5 நிமிடத்திற்கு எல்லாம் சேமியா வெந்துவிடும். இந்த பாயாசத்துக்கு முதலில் காய்ச்சிய பாலில் உபயோகப்படுத்துவதால் மிக சீக்கிரத்திலேயே பாலும் கொடுத்து விடும்.

இப்பொழுது சேமியா வெந்த பிறகு இரண்டு ஏலக்காய்களை பொடியாக்கி சேர்த்துக்கொள்ளவும். அதை நன்றாக கலந்த பிறகு பொடியாக நறுக்கிய வெல்லத்தை அதில் சேர்த்து நன்கு கலந்து கொள்ளவும் இப்பொழுது ஸ்டவ்வை ஆஃப் செய்து விடவும்.

இப்பொழுது நாம் நெய்யில் வறுத்து வைத்திருக்கும் முந்திரி திராட்சை சேர்த்து பரிமாறலாம். சுவையான மற்றும் ஹெல்தியான இன்ஸ்டன்ட் பால் பாயாசம் தயார் ஆகிவிட்டது. 15 நிமிடத்திலேயே இந்த பால்பாயாசம் தயாராகிவிடும் ஒருமுறை செய்து பாருங்கள் நன்றி.