ஒரு பாத்திரத்தில் தண்ணீர் சேர்த்து ஸ்டவ்வில் வைத்து சூடானதும், உருளைக்கிழங்கை நன்கு கழுவி, இரண்டாக நறுக்கி சேர்த்து வேகவைக்கவும்.

பின் மிக்ஸில் ஜாரில் தேங்காய், வற்றல், சோம்பு, கசகசா, முந்திரி, பட்டை, கிராம்பு சேர்த்து மசாலா விழுதை அரைத்து தயாராக வைத்துக்கொள்ளவும்.

வாணலியை ஸ்டவ்வில் வைத்து எண்ணை சேர்த்து சூடானதும், பிரிஞ்சி இலை, இஞ்சி பூண்டு விழுது சேர்த்து வதக்கி, அரைத்து வைத்துள்ள மசாலா விழுது சேர்த்து நன்கு வதக்கவும்.

பின்பு அரைத்த வெங்காயம், தக்காளி விழுது சேர்த்து வதக்கி, இரண்டு கப் தண்ணீர் சேர்த்து ஐந்து நிமிடங்கள் கொதிக்கவிடவும். பின் மஞ்சள், தனியா, மிளகாய் தூள் சேர்க்கவும்.

மசாலாக்களுடன் சேர்த்து நன்கு வதக்கவும். மேலும் இரண்டு கப் தண்ணீர், தேவையான அளவு உப்பு சேர்த்து கொதிக்கவிடவும்.

பின் வேக வைத்து வைத்துள்ள உருளைக்கிழங்கை சேர்த்து பத்து நிமிடங்கள் மிதமான சூட்டில் வைத்து கிரேவி கொஞ்சம் கெட்டியானதும் இறக்கினால் சால்னா தயார்.

இந்த சால்னா பிரியாணி, பரோட்டாவுடன் சேர்த்து சாப்பிட மிகவும் சுவையாக இருக்கும்.