கொண்டைக்கடலையை நன்கு கழுவி இரவு முழுக்க ஊற விடவும்.

ஊறிய கொண்டைக்கடலையை ஒரு கப் தண்ணீர் சேர்த்து குக்கரில் ஒரு விசில் விடவும். அதிகம் குழைத்து விடக்கூடாது.பின்பு அதனை வடித்துக் கொள்ளவும்.

தண்ணீர் வடித்த கொண்டைக்கடலையை ஒரு காட்டன் துணியின் மேல் படத்தில் காட்டியுள்ளபடி இடைவெளி விட்டு வைக்கவும். அதன்மீது மற்றும் ஒரு மெல்லிய காட்டன் துணியை மூடவும். தட்டையான மற்றும் கனமான ஒரு பொருளை வைத்து ஒவ்வொரு கொண்டைக் கடலையையும் அழுத்தி விடவும். நான் இங்கு சிறிய குழவியை பயன்படுத்தி உள்ளேன்.

அழுத்திய பின் இவற்றை மற்றும் ஒரு பெரிய தட்டில் மாற்றி பரவலாக வைத்து ஒரு நாள் முழுவதும் வெயிலில் காய வைக்கவும். வீட்டிற்குள் காய வைப்பது என்றால் இரண்டு நாட்கள் முதல் மூன்று நாட்கள் ஆகலாம்.

ஒரு வட சட்டியில் எண்ணெய் ஊற்றி காய வைத்து கொண்டைக் கடலையை மிதமான சூட்டில் பொரித்து எடுக்கவும். பொரித்த வற்றை எண்ணெய் வடிய வைக்கவும்.

பெரிய வெங்காயத்தை சதுரமாக வெட்டிக் கொள்ளவும். தக்காளியை விதைகள் நீக்கி சதுரமாக வெட்டிக் கொள்ளவும். மல்லி இலையை நறுக்கி வைத்துக் கொள்ளவும். இப்பொழுது மசாலா பொடி தயாரிக்க ஆம்சூர் பொடி, மிளகாய்த்தூள்....

பிளாக் சால்ட்,மல்லித்தூள், கரம் மசாலா....

மற்றும் உப்பு சேர்த்து பொடியை நன்கு கலக்கி வைத்துக் கொள்ளவும்.இப்பொழுது ஒரு கிண்ணத்தில் நறுக்கிய வெங்காயம் சிறிது,தக்காளி சிறிது சேர்த்து, அதன் மீது பொரித்த கொண்டை கடலையை சேர்க்கவும்.

அதன்மீது தயார் செய்த மசாலாவை தேவையான அளவு சேர்த்து சிறிது கொத்தமல்லி இலைகளையும் சேர்க்கவும். இதனை நன்கு கலக்கிக் கொள்ளவும்.

அவ்வளவுதான் குழந்தைகளுக்கு மிகவும் பிடித்தமான மாலை நேர சிற்றுண்டி சன்னா ஜோர் கரம் சார்ட் தயார்.