முதலில் மசாலா பேஸ்ட் அரைக்க சிறிது இஞ்சி, பூண்டு,பச்சை மிளகாய், வெங்காயம், காய்ந்த மிளகாய், புதினா, கொத்தமல்லி இலை எல்லாவற்றையும் சேர்த்து சிறிது தண்ணீர் விட்டு அரைத்து கொள்ளவும்.

குக்கரில் சிறிது நெய் விட்டு பிரியாணி இலை, பட்டை, லவங்கம், கல்பாசி,அன்னாசி மொட்டு, ஏலக்காய் சேர்த்து வதக்கவும்.

முந்திரி பருப்பை சேர்த்து வதக்கவும்.

பின்னர் நீளவாக்கில் நறுக்கிய வெங்காயத்தை போட்டு வதக்கி பின் அரைத்த விழுதை சேர்த்து மஞ்சள் தூள், மிளகாய் தூள், மல்லித்தூள் சேர்த்து வதக்கவும்.

பின் பொடியாக நறுக்கிய தக்காளி சேர்த்து வதக்கவும். புதினா, கொத்தமல்லி இலை சேர்த்து வதக்கவும். தேவையான அளவு உப்பு சேர்க்கவும்.

பின்னர் ஊறவைத்த அரிசியை சேர்த்து 1 ஸ்பூன் நெய் விட்டு நன்கு கலந்து விடவும். பின்னர் தேவையான அளவு தண்ணீர் விட்டு 3விசில் விட்டு, ஆறவிடவும்.

விசில் அடங்கியதும்,ஆற விட்டு வேறொரு பாத்திரத்தில் மாற்றி சிறிது கொத்தமல்லி இலை தூவி பரிமாறவும்.