ஒரு கடாயில் எண்ணெய் விட்டு, நெய் சேர்த்து பட்டை, லவங்கம், சோம்பு, சீரகம் சேர்த்து தாளித்து, பொடியாக நறுக்கிய வெங்காயம், பூண்டு, இஞ்சி, பச்சை மிளகாய் சேர்த்து வதக்கவும்.

பின்னர் வால்நட் சேர்த்து வதக்கவும். நன்கு வதங்கியதும், ஆறவிட்டு, சிறிது தண்ணீர் சேர்த்து நன்கு அரைத்து கொள்ளவும்.

வெங்காயம், குடமிளகாய் இரண்டையும் பெரிய துண்டுகளாக நறுக்கவும். இதை தனி தனியாக எண்ணெய் விட்டு பொன்னிறமாக வறுத்து கொள்ளவும்.

தக்காளி விழுதாக அரைத்து கொள்ளவும். பன்னீரை துண்டுகளாக நறுக்கி கொள்ளவும்.

தோசை கல்லில் சிறிது நெய் விட்டு பன்னீரை பொன்னிறமாக வறுத்து கொள்ளவும்.

ஒரு வாணலியில் பட்டர் சேர்த்து, ஏற்கனவே அரைத்த மசாலா பேஸ்ட் சேர்த்து வதக்கவும். பின்னர் தக்காளி விழுதையும் சேர்த்து வதக்கவும்.

பச்சை வாசனை போக வதக்கவும். மிளகாய் தூள், மல்லித்தூள், கரம்மசாலா தூள் சேர்த்து வதக்கவும். உப்பு சேர்த்து கொதிக்க விடவும்.

எண்ணெய் பிரியும் வரை கொதிக்க விடவும். பின் தேவையான அளவு தண்ணீர் விட்டு, வதக்கிய வெங்காயம், குடமிளகாய் சேர்த்து கிளறவும்.

பின்னர் வறுத்த பன்னீரை சேர்த்து, தேவையான அளவு உப்பு சேர்த்து கொதிக்க விடவும்.

நன்கு சுண்டியவுடன், கஸ்தூரி மேதி சேர்த்து கலந்து விட்டு, சிறிது கொத்தமல்லி இலை தூவி இறக்கி பரிமாறவும்.

சுவையான சத்தான வால்நட் பன்னீர் கறி ரெடி. இதை சப்பாத்தி, நானுடன் சேர்த்து சாப்பிடலாம்.