ரோட்டுக்கடை முட்டை ஃப்ரைடு ரைஸ் (Muttai fried rice recipe in tamil)

பாஸ்மதி அரிசியை நன்கு கழுவி தண்ணீர் வடித்து எடுத்துக் கொள்ளவும். 2 கப் தண்ணீரை உலை காய்ந்ததும் அரிசியை சேர்த்து முக்கால் பதமாக அதாவது உதிரி உதிரியாக வேக வைக்கவும்

இதனை சல்லடையில் வடிகட்டி சாதத்தை சிறிது ஆற விடவும்

ஒரு கடாயில் தேவையான அளவு எண்ணெய் விட்டு பொடியாக அறிந்த பூண்டுப் பல், பச்சை மிளகாய் சேர்த்து நன்கு வதக்கி பிறகு நைசாக அரிந்த வெங்காயத்தை சேர்த்து மிதமான தீயில் வைத்து சிறிது வதக்கி விடவும்

பிறகு ஸ்லைசாக நறுக்கிய பீன்ஸ் கேரட் சேர்த்து அடுப்பை அதிக தணலில் வைத்து ஒரு நிமிடம் வரை கிளறிக் கிளறி விடவும். (காயை அரை பதம் வரை மட்டுமே கிளறி விடவும். முழுவதுமாக வேக வைக்க கூடாது). இப்போது 2 முட்டையை உடைத்து நடுவில் ஊற்றவும், சுற்றிலும் காயை வைக்கவும்.

அடுப்பை குறைந்த தணலில் வைத்து முட்டையை இடைவெளி விட்டு விட்டு சிறிது சிறிதாக கிளறி கிளறி வேகவிடவும்

பிறகு வடித்து உதிரி சாதத்தை சேர்த்து ஒரு சேர கிளறி மிளகாய்தூள், கரம் மசாலாதூள் சேர்க்கவும்

பிறகு தேவையான அளவு உப்பு சேர்த்து ஒரு சேர கிளறி இறுதியாக மிளகுத்தூள் சேர்த்து மீண்டும் கிளறி அடுப்பை அணைக்கவும்

சுவையான ரோட்டு கடை முட்டை ஃப்ரைட் ரைஸ் தயார்.