செட்டிநாடு கொறடா சட்னி (Chettinadu korada chutney recipe in tamil)

ஒரு கடாயில் ஒரு மேஜைக்கரண்டி எண்ணெய் சூடானதும் வெங்காயம், புளி, வர மிளகாய் சேர்த்து வதக்கவும்.

வெங்காயம் கண்ணாடி பதத்திற்கு வதங்கியபின் தக்காளியும் சேர்த்து வதக்கிக் கொள்ளவும்.இதனை ஆற விட்டு மிக்ஸியில் அரைத்துக் கொள்ளவும். அதே கடாயில் மேலும் 2 மேசைக்கரண்டி நல்லெண்ணெய் சேர்த்து சூடானதும், கடுகு சேர்த்து தாளிக்கவும்.

பொரிந்ததும் பெருங்காயத் தூள் மற்றும் கறிவேப்பிலை சேர்த்து தாளிக்கவும். அதன்பின் வரமிளகாய் பொடியாக நறுக்கிய பூண்டு, பொடியாக நறுக்கிய சின்ன வெங்காயம், சிறிது உப்பு சேர்த்து வதக்கவும்.

வெங்காயம் வதங்கியதும் நறுக்கிய தக்காளியை சேர்த்து மசிய வதக்கிக் கொள்ளவும்.அதன் பின் மஞ்சள் தூள் மற்றும் மிளகாய் தூள் சேர்த்து கலந்து விடவும்.பின் அரைத்த வெங்காய தக்காளி விழுதை சேர்த்துக் கொள்ளவும்.

ஒரு கப் தண்ணீரை சேர்த்து தேவையான அளவு உப்பும் சேர்த்துக் கொள்ளவும். இதனை மிதமான தீயில் எட்டு நிமிடங்கள் வேகவிடவும்.

சட்னி தள தள என்று கொதித்து வந்தபின் வெல்லம் சேர்த்து அடுப்பை அணைக்கவும். காரசாரமான செட்டிநாடு கொறடா சட்னி வெள்ளைப் பணியாரத்துடன் பரிமாறினால் சுவையாக இருக்கும். இது இட்லி, தோசை மற்றும் சப்பாத்திக்கு பொருத்தமாக இருக்கும்.