முதலில் ஒரு பாத்திரத்தில் தண்ணீர் சூடு செய்ய வேண்டும். இப்பொழுது ஒரு சிறிய பாத்திரத்தில் 100 கிராம் வெண்ணெய் மற்றும் 75 கிராம் டார்க் சாக்லேட் சேர்த்து தண்ணீர் கொதித்தவுடன் அதில் வைக்கவேண்டும்.

சாக்லேட் மற்றும் வெண்ணெய் கரைந்த பிறகு அதில் அரை கப் சர்க்கரை சேர்த்து நன்றாக கலந்துவிட வேண்டும். இப்பொழுது அதனோடு ஒரு ஒரு முட்டையாக 2 முட்டையை உடைத்து ஊற்றி நன்றாக கலக்கவேண்டும். முட்டையின் மணம் வராமல் இருக்க அதோட ஒரு ஸ்பூன் வெனிலா எசன்ஸ் சேர்க்கவேண்டும்.

நன்றாக கலந்த பிறகு அதோடு ஒரு கப் மைதா சேர்த்து நன்றாக கலந்து விடவேண்டும்.

இப்பொழுது கேக் செய்யும் பாத்திரத்தில் பட்டர் பேப்பர் வைக்க வேண்டும். இப்பொழுது கலந்து வைத்திருக்கும் கலவையே அதனுள் விட வேண்டும். இப்பொழுது அதன் மேல் சிறிதளவு பாதாம் மற்றும் டார்க் சாக்லேட் சேர்க்க வேண்டும்.

இப்பொழுது ஓ டி ஜி பத்து நிமிடம் சூடு செய்ய வேண்டும். 180 டிகிரி வைத்து 35 நிமிடம் வேகவிடவும். சூடு தணிந்த பின்பு அதே பட்டர் பேப்பரில் இருந்து எடுக்க வேண்டும்.