முதலில் புதினா, கொத்தமல்லி, பச்சை மிளகாய்,தேங்காய் எல்லாவற்றையும் ஒரு மிக்ஸி ஜாரில் சேர்த்து நன்கு அரைத்துக் கொள்ளவும்

ஒரு கனமான கடாயை வைத்து அதில் 2 குழிக்கரண்டி எண்ணெய் ஊற்றி எண்ணெய் காய்ந்த பின் அதில் சோம்பு தூள், ஏலக்காய், பட்டை, கிராம்பு, கல்பாசி, அன்னாசி பூ, மற்றும் மராட்டி மொக்கு சேர்க்கவும் மசாலாக்கள் நன்கு பொரிந்தவுடன் அதில் வெங்காயம் சேர்த்து நன்கு வதக்கிக் கொள்ளவும்

வெங்காயம் வதங்கியதும் அதில் இஞ்சி பூண்டு விழுது சேர்த்து நன்கு வதக்கவும், பின் அரைத்து வைத்திருக்கும் புதினாவையும் அதனுடன் சேர்த்து நன்கு வதக்கவும்

புதினா வதங்கியதும் நன்கு சுத்தம் செய்த சிக்கனை அதனுடன் சேர்க்கவும், சேர்த்த பின் நன்றாக வதக்கிக் கொள்ளவும், பின் மஞ்சள் மற்றும் குழம்பு மிளகாய் தூள் சேர்த்து நன்கு வதக்கிக் கொள்ளவும்

5 நிமிடம் வதக்கியதும் தயிரை இதனுடன் சேர்த்து நன்கு வதக்கிக் கொள்ளவும், பின் சிக்கன் வேகுவதற்கு ஏற்றபடி தண்ணீர் ஊற்றி நன்கு கொதிக்க விடவும்,

ஒரு கொதி வந்தபின், ஒரு தட்டு போட்டு மூடி வைக்கவும், 10 நிமிடங்கள் கழித்து எடுத்துப் பார்த்து கிளறவும் பின் தண்ணீர் நன்கு சுண்டியதும், மிளகு தூள் மேலே தூவி, நன்றாக கிளறி விட்டு கொத்தமல்லி இலை தூவி முடிக்கவும்

புதினா சிக்கன் ரெடி, இந்த ரெசிபியை நீங்கள் உங்கள் வீட்டில் உள்ளவர்களுக்கு செய்து கொடுத்து எப்படி இருந்தது என்று எனக்கு கமெண்ட் செய்யவும், நன்றி 🙏