முதலில் உருளைக்கிழங்கை கழுவி தோலை சீவி கொள்ளவும். கேரட் துருவல் போல உருளைக்கிழங்கை துருவி எடுத்துக் கொள்ளவும். துருவிய தூள்களை ஐஸ் வாட்டரில் போட்டு வைக்கவும்.

வாணலியில் எண்ணெய் வைத்து, சூடு ஏறுவதற்குள் துருவிய உருளைக்கிழங்கு தூள்களை ஒரு துணியில் தண்ணீரைப் பிழிந்து உலர வைக்கவும். சிறிது நேரம் கழித்து ஒரு கைப்பிடி அளவு மட்டும் போட்டு எண்ணெயில் வறுத்து எடுத்து வைத்துக் கொள்ளவும்.

எல்லாவற்றையும் வறுத்தபின் முந்திரி பாதாம் உலர்திராட்சை பொட்டுக்கடலை ஆகியவற்றை நெய் சேர்த்து வரத்து எடுத்து உருளைக்கிழங்கின் மேல் வைத்துக் கொள்ளவும். இரண்டு ஏலக்காய் சேர்த்து சர்க்கரையைப் பொடித்துக் கொள்ளவும்.

பொடித்த சர்க்கரையை சேர்த்து வைத்த கலவையில் சேர்த்து கிளறி எடுத்தால் சுவையான உருளை ஸ்வீட் மிக்ஸர் ரெடி.