சாம்பார் வெங்காயம், பெரிய வெங்காயம், தக்காளியை பொடியாக நறுக்கி வைத்துக்கொள்ளவும்.
மற்ற பொருட்களை தயாராக எடுத்து வைக்கவும்.

வாணலியை ஸ்டவ்வில் வைத்து எண்ணெய் ஊற்றி காய்ந்ததும் வற்றல் மிளகாய், தனியா,சீரகம்,கறிவேப்பிலை சேர்த்து பொன்னிறமாக வதக்கவும்.

பின்னர் நறுக்கிய வெங்காயம்,தக்காளி சேர்த்து வதக்கவும்.

வறுத்த பொருட்கள் எல்லாம் சூடாரியவுடன் எடுத்து ஒரு மிக்ஸி ஜாரில் சேர்த்து, தேங்காய் துருவல், மஞ்சள் தூள், உப்பு,கொஞ்சம் தண்ணீர் சேர்த்து நன்கு அரைக்கவும்.

ஒரு பாத்திரத்தை ஸ்டவ்வில் வைத்து எண்ணெய் ஊற்றி காய்ந்ததும் கடுகு, கறிவேப்பிலை, நறுக்கிய வெங்காயம் சேர்த்து வதக்கவும்.

பின்னர் மிக்ஸி ஜாரில் உள்ள அரைத்த மசாலாவை சேர்க்கவும்.அதில் வேகவைத்து எடுத்த காலிஃப்ளவரை சேர்த்து,தேவையான அளவு தண்ணீர் சேர்த்து மூடி வைத்து பத்து நிமிடங்கள் மிதமான சூட்டில் வேகவைத்து எடுக்கவும்.

குழம்பு நன்கு கொதித்து கொஞ்சம் கெட்டியாக மாறும்.அப்போது இறக்கினால் சுவையான காலிஃப்ளவர் குழம்பு தயார்.

எடுத்து பரிமாறும் பௌலில் சேர்க்கவும்.மதிய உணவான சாதத்திற்கு இந்த காலிஃப்ளவர் குழம்பு மிகமிக சுவையாக இருக்கும்.