டயட் கோதுமை ரவை உப்புமா

தேவையான பொருட்கள் அனைத்தையும் தயாராக எடுத்து வைத்துக் கொள்ளவும். ஒரு வாணலியில் இரண்டு ஸ்பூன் எண்ணெய் விட்டு காய்ந்தவுடன் அதில் கடுகு போட்டு பொரிய விடவும். பின்பு கடலைப்பருப்பு உளுத்தம்பருப்பு சேர்த்து சிவக்க விடவும். அதன் பிறகு பெரிய வெங்காயம் வரமிளகாய் மற்றும் பச்சை மிளகாய் சேர்த்து 3 நிமிடம் வதக்கவும்.

வெங்காயம் வதங்கிய உடன் அதில் ஒரு டம்ளர் கோதுமை ரவைக்கு இரண்டரை டம்ளர் தண்ணீர் எடுத்து சேர்த்துக் கொள்ளவும். உப்பு தேவையான அளவு சேர்த்துக் கொள்ளவும். கருவேப்பிலை கொத்தமல்லித்தழை சேர்த்துக் கொள்ளவும். தண்ணீர் கொதி வந்தவுடன் கோதுமை ரவையை தூவி கட்டியில்லாமல் கிளறி விடவும்.

பிறகு வாணலியை மூடி வைத்து 15 நிமிடம் முதல் 20 நிமிடம் வரை கோதுமை ரவையை வேகவிடவும். பின்பு மூடியைத் திறந்து கரண்டி கொண்டு நன்கு ஒரு முறை கிளறி விடவும். சுவையான, சத்தான, எளிதான, எண்ணெய் அதிகம் இல்லாத கோதுமை ரவை உப்புமா தயார். உடல் நலம் குன்றியவர்கள் மற்றும் எடை குறைக்க நினைப்பவர்களுக்கும் இதை செய்து கொடுக்கலாம்.