மைதா அடை தோசைக்கு தேவையான பொருட்களை தயார் செய்து கொள்ளுங்கள்.
2மீடியம் அளவு பல்லாரி வெங்காயத்தை நறுக்கி மிக்ஸி ஜாரில் போட்டு பேஸ்ட் போல் அரைத்துக் கொள்ளுங்கள்.

2பச்சை மிளகாயை பொடியாக நறுக்கிக் கொள்ளுங்கள்.

1மூடி தேங்காயை நறுக்கி மிக்ஸி ஜாரில் போட்டு வெண்ணையாக அரைத்து அதில் கெட்டியாக 1டம்ளர் தேங்காய்ப் பால் எடுத்துக் கொள்ளுங்கள்.

1/2கிலோ மைதா மாவில் தேவையான அளவு உப்பு தூள் போட்டு தண்ணீர் சேர்த்து மீடியமான பதத்தில் கரைக்கவும்.வெங்காயம் பேஸ்ட்,நறுக்கிய பச்சை மிளகாய்,2முட்டை,கொத்தமல்லித்தள போடவும்.1டம்ளர் தேங்காய்ப் பால்-ஐ கரைத்த மைதா மாவில் ஊற்றி கலக்கவும்.2மணி நேரம் கரைத்து வைத்த மாவை ஊற வைக்கவும்.

தக்காளி பூண்டு காரச் சட்னிக்கு தேவையான பொருட்களை தயார் செய்து கொள்ளுங்கள்.
வாணலியில் தேவையான அளவு பாமாயில் ஊற்றி 2முழு பூண்டு உறித்ததை பொன் நிறமாக வறுத்து எடுக்கவும்.

பின் நறுக்கி வைத்த 2வெங்காயத்தை போட்டு பொன் நிறமாக வறுக்கவும்.பின் கொத்தமல்லித்தள,கருவேப்பிலை கொஞ்சம் போட்டு வதக்கவும்.
10காஸ்மீர் மிளகாயை லேசாக வறுக்கவும்.

8தக்காளியை வாணலியில் மிதமான தீயில் வைத்து வதக்கிக் கொள்ளவும்.
வறுத்து வைத்த அனைத்தையும் சூடு ஆறிய பின் மிக்ஸி ஜாரில் போட்டு தேவையான அளவு உப்பு தூள் சேர்த்து அரைத்துக் கொள்ளவும்(தண்ணீர் சேர்க்கக் கூடாது).

ஒரு வாணலியில் 4டீஸ்பூன் நல்லெண்ணெய் ஊற்றி.எண்ணெய் சூடான பிறகு 1/4டீஸ்பூன் கடுகு,கொஞ்சம் கருவேப்பிலை போட்டு தாளிக்கவும்.பின் அரைத்து வைத்த தக்காளி பூண்டு காரச் சட்னியை தாளிப்போடு சேர்த்து தேவையான அளவு உப்பு தூள்,தண்ணீர் சேர்த்து 5நிமிடம் கொதிக்கவிடவும்.

தோசைக்கல்லில் தேவையான அளவு எண்ணெய் தடவி.கல் சூடான பிறகு கரைத்து ஊற வைத்த மைதா மாவை தேவையான அளவு ஆப்பை கரண்டியில் ஊற்றி லேசாக தேய்க்கவும்.ஒரு பக்கம் வெந்த பிறகு திருப்பிப் போட்டு மறு பக்கம் வெந்த பிறகு எடுக்கவும்.