முதலில் உருளை கிழங்கை வேக வைத்து கொள்ள வேண்டும். அடுத்தது மாவு பிசைய, ஒரு அகல பாத்திரத்தில் கோதுமை மாவு, 2 டேபிள்ஸ்பூன் எண்ணெய் மற்றும் உப்பு சேர்த்து தேவையான அளவு தண்ணீர் ஊற்றி பிசைந்து எடுத்து வைக்கவும். ஒரு கடாயில் எண்ணெய் ஊற்றி, கடுகு பொரிந்ததும் பொடியாக நறுக்கிய பெரிய வெங்காயம் சேர்த்து நிறமாறும் வரை வதக்கி துருவிய கேரட் சேர்க்கவும்.

இரண்டு நிமிடம் வதங்கிய பிறகு கரம் மசாலாத்தூள், மிளகாய் தூள், சாட் மசாலா தூள் உப்பு தேவையான அளவு சேர்த்து வதக்கவும். பிறகு வேக வைத்த உருளைக்கிழங்கு, நறுக்கிய கொத்தமல்லி சேர்த்து மசாலாவை ஆறவிடவும். அடுத்து பிசைந்த மாவிலிருந்து சிறு உருண்டைகள் எடுத்து திரட்டி செய்த மசாலாவை உள்ளே வைத்து மூடி திரட்டவும்.

ஒரு தவாவில் கேரட் ஆலு சப்பாத்தி இட்டு எண்ணெய் ஊற்றி இரண்டு புறமும் பொன்னிறமாக சுடவும்.