கீமா / கொத்துக்கறி சமோசா 🤤🤤😋😋

ஒரு கடாயில் கொத்துக்கறி, மிளகாய்த்தூள், உப்பு, மஞ்சள் தூள், சிறிதளவு தண்ணீர் ஊற்றி நன்கு வதக்க வேண்டும். கறி வெந்து தண்ணீர் வற்றி வரும் போது வெங்காயம் சேர்த்து வதக்க வேண்டும்.

பிறகு அதில் வேகவைத்த உருளைக்கிழங்கு, கறிமசால் தூள், சீரகத்தூள் மற்றும் கறிவேப்பிலை, மல்லி இலை சேர்த்து நன்கு கெட்டியாக வரும் வரை வதக்கி இறக்கி வைத்து ஆற வைக்க வேண்டும்.

ஒரு பாத்திரத்தில் மைதா மாவு, உப்பு, ஒரு ஸ்பூன் நெய் சேர்த்து நன்கு சப்பாத்தி மாவு பதத்திற்கு பிசைந்து வைத்து கொள்ள வேண்டும்.

மாவை சிறு உருண்டைகளாக வட்ட வடிவில் உருட்டி, அதை இரு பாதியாக வெட்டி, ஒரு துண்டை கையில் எடுத்து, சமோசா வடிவில் மடித்து, ஓரங்களில் தண்ணீர் சேர்த்து ஒட்டி, அதற்குள் கொத்து கறி மசாலாவை உள்ளே வைத்து, ஓரங்களில் தண்ணீர் தடவி, ஒட்டிக் கொள்ள வேண்டும்

எண்ணெயை சூடாக்கி அதில் மடித்து வைத்த சமோசாவை பொரித்தெடுக்க வேண்டும்.

இப்பொழுது சூடான சுவையான கீமா சமோசா தயார்.🤤🤤😋😋