இட்லி அரிசி, பச்சரிசி, உளுந்து, வெந்தயம் ஆகியவற்றை ஒன்றாக சேர்த்து 4மணி நேரம் ஊற விடவும் (பிரிஜ்ஜில் வைக்கவும்). சவ்வரிசியை 1/2மணி நேரம் ஊற வைத்து பின் 4கப் தண்ணீர் சேர்த்து நன்றாக சவ்வரிசி கரையும் வரை வேக வைத்து பின் ஆற விடவும்.

பின்னர் கிரைண்டரில் முதலில் சவ்வரிசி சேர்த்து 5நிமிடம் அரைக்கவும். பின்னர் அரிசி சேர்த்து சிறிது சிறிதாக தண்ணீர் சேர்த்து நன்கு நைசாக அரைத்து எடுக்கவும். பின்னர் தேவையான அளவு கல்லுப்பு சேர்த்து கையினால் கரைத்து 8மணி நேரம் புளிக்க விடவும்

பின்னர் மறுநாள் நன்கு பொங்கி உள்ள மாவில் சிறிது தேங்காய் பால் சேர்த்து சற்று தண்ணீர் பதத்தில் கரைத்து கொள்ளவும். விரும்பினால் மாவில் 1ஸ்பூன் சர்க்கரை சேர்த்து கரைத்து கொள்ளவும்.

பின்னர் ஆப்ப சட்டியை அடுப்பில் வைத்து சூடானதும் சிறிது எண்ணெய் தடவி ஒரு கரண்டி மாவை சட்டியின் நடுவில் ஊற்றவும். பின்னர் ஆப்ப சட்டியை கையில் எடுத்து மாவை சட்டியில் வட்டமாக படத்தில் உள்ளவாறு சுழட்டவும்.

பின்னர் ஆப்ப சட்டியை மூடி இட்டு 3நிமிடம் ஆப்பத்தை வேக விட்டு எடுக்கவும்.

இதை தேங்காய் பால் அல்லது கடலை கறியுடன் சூடாக பரிமாறவும். குறிப்பு சவ்வரி சேர்ப்பதால் ஆப்ப சோடா சேர்க்க தேவை இல்லை ஆப்பம் சாப்டாக வரும்.