மிருதுவான"இடியாப்பம் &ரெஸ்டாரண்ட் ஸ்டைல் வெஜிடேபிள் பாயா"#Combo3

ஒரு பாத்திரத்தில் தேவையான அளவு தண்ணீர் ஊற்றி நன்றாக கொதிக்கவிடவும்.

350கிராம் இடியாப்பம் மாவு-ல்(1/4படி-1கப்) தேவையான அளவு உப்பு தூள் போட்டு,தேவையான அளவு வெந்நீர் கொஞ்சம் கொஞ்சமாக சேர்த்து நன்றாக இழுத்து குலைக்க வேண்டும்.

இட்லி பாத்திரத்தில் தேவையான அளவு தண்ணீர் ஊற்றி.மேலே ஒரு தட்டு போட்டு மூடி சிறிது நேரம் சூடாக்கவும்.

இடியாப்பம் தட்டில் முன்னும் பின்னும் எண்ணெய் தடவிக் கொள்ள வேண்டும்.

ஒரு டீஸ்பூனில் மாவு எடுத்து இடியாப்பம் உறளில் உள்ளே வைத்து.

இடியாப்பம் தட்டில் குலைத்த மாவை நெறித்து இட்லி பாத்திரம் உள்ளே வைத்து இடியாப்பம் வேகும் வரை மூடி வைக்கவும்.

இடியாப்பம் வெந்தவுடன் சிறிது நேரம் கழித்து வெளியே எடுக்கவும்.

"இடியாப்பம்" தயார்...

(தேவையான அளவு) நல்லெண்ணெய்-6டீஸ்பூன்,தாளிப்புக்கு 2துண்டு பட்டை,5கிராம்பு,3ஏலக்காய்.

மீடியம் அளவு 4பல்லாரி வெங்காயம்&7தக்காளியை பொடியாக நறுக்கிக் கொள்ள வேண்டும்.1உருளைக்கிழங்கை தோல் நீக்கி கியூப் வடிவத்தில் கட் செய்துக் கொள்ளவும்.

4கொத்து கருவேப்பிலை,1பச்சை மிளகாய்,தேவையான அளவு உப்பு தூள்,தண்ணீர்.2டீஸ்பூன் இஞ்சி பூண்டு விழுது.தேவையான அளவு கொத்துமல்லித்தழை.

1டேபிள் ஸ்பூன் மஞ்சள் தூள் & மிளகாய் தூள் &கொத்துமல்லித்தூள் & கரம் மசாலா தூள்.

மேலே குறிப்பிட்ட அனைத்தையும் தயார் செய்துக் கொள்ளவும்.

அடுப்பில் பாத்திரத்தை வைத்து 2டீஸ்பூன் நல்லெண்ணெய் ஊற்றவும்.
எண்ணெய் காய்ந்த பிறகு 1டீஸ்பூன் பெருஞ்சீரகத்தை போட்டு பொறியவிடவும்.

அடுத்து 1டீஸ்பூன் பொட்டுக்கடலை,1/2டீஸ்பூன் கசகசா,5முந்திரி பருப்பு போட்டு லேசாக வறுக்கவும்.

1மூடி தேங்காயை துறுவிக் கொள்ள வேண்டும்.

1மூடி(3டீஸ்பூன்)தேங்காய் துறுவல் போட்டு லேசாக வறுக்கவும்.பிறகு சிறிது நேரம் சூடு ஆற வைக்கவும்.

அடுத்து வறுத்து ஆற வைத்த பொருட்களை மிக்ஸி ஜாரில் போட்டு தேவையான அளவு தண்ணீர் ஊற்றி வெண்ணையாக அரைக்கவும்.

வெஜிடேபிள் பாயா செய்வதற்கு தேவையான தேங்காய் விழுது தயார்...

பிரஸ்ஸர் குக்கரில் 6டீஸ்பூன் நல்லெண்ணெய் ஊற்றவும்.

எண்ணெய் சூடு காய்ந்த பிறகு 2துண்டு பட்டை,5கிராம்பு,3ஏலக்காய் போட்டு தாளிக்கவும்.

அடுத்து பொடியாக நறுக்கிய 4மீடியம் அளவு பல்லாரி வெங்காயம் &7தக்காளியை போட்டு வதக்கவும்.

2டீஸ்பூன் இஞ்சி பூண்டு விழுது,4கொத்து கருவேப்பிலை போட்டு இஞ்சி பூண்டின் பச்சை வாசம் போகும் வரை நன்றாக வதக்கவும்.

1டேபிள் ஸ்பூன் மஞ்சள் தூள்,1டேபிள் ஸ்பூன் மிளகாய் தூள்,1டேபிள் ஸ்பூன் கொத்துமல்லித் தூள்,1டேபிள் ஸ்பூன் கரம் மசாலா தூள் போட்டு பச்சை வாசம் போகும் வரை நன்றாக வதக்கவும்.

கியூப் வடிவத்தில் கட் செய்த 1உருளைக்கிழங்கை போட்டு வதக்கவும்.
கட் செய்த 1பச்சை மிளகாயை போடவும்.

அடுத்து அரைத்து வைத்த தேங்காய் விழுதை ஊற்றிக் கொள்ளவும்.

தேவையான அளவு தண்ணீர் & கொத்துமல்லித்தழைகள் போட்டு ஒன்றாக கிளறி பின் பிரஸ்ஸர் குக்கரில் டயர்,வெயிட் போட்டு மூடி வைத்து 3விசில் விடவும்.

சிறிது நேரம் கழித்து திறந்து மிதமான தீயில் 5நிமிடம் கொதிக்கவிடவும் பின் ஒன்றாக கிளரவும்.