ஆட்டுக்கால் பாயா அவை சுத்தம் செய்து கழுவி மிளகாய் தூள், மஞ்சள் தூள், உப்பு சேர்த்து கலந்து கால்மணி நேரம் ஊறவைக்கவும். ஒரு குக்கரை அடுப்பில் வைத்து எண்ணெய் சேர்த்து சூடானதும் பிரியாணி இலை, பட்டை, கிராம்பு, ஏலக்காய் தாளிக்கவும். பிறகு சின்ன வெங்காயத்தை மிக்ஸியில் கொரகொரப்பாக அரைத்து சேர்க்கவும்.

சின்ன வெங்காயம் வதங்கிய பின் இஞ்சி பூண்டு விழுது சேர்த்து வதக்கவும். பிறகு மஞ்சள்தூள், மிளகாய்த்தூள், மல்லித்தூள் சேர்த்துக் கலந்து விடவும். இதனோடு நாட்டு தக்காளியை மையாக அரைத்து சேர்த்து வதக்கவும்.

பிறகு ஊற வைத்த ஆட்டுக்காலை சேர்த்து மசாலா வதங்கி வரும் வரை வதக்கவும். இதில் தேங்காய், சோம்பு, கசகசா அரைத்த விழுதை சேர்த்து வதக்கவும்.

தேவையான அளவு தண்ணீர் சேர்த்து இறுதியில் சீரகத்தூள் நறுக்கிய கொத்தமல்லி இலைகள் சேர்த்து குக்கரை மூடி ஒரு விசில் வந்தபின் சிறு தீயில் 20 நிமிடங்கள் வேகவிடவும். அவ்வளவுதான் சூடான மற்றும் சுவையான இந்த ஆட்டுக்கால் பாயா இடியாப்பம் மற்றும் ஆப்பத்திற்கு பொருத்தமாக இருக்கும்.