மிரட்டலான மட்டன் மிளகு பிரட்டல்

மட்டனை கழுவி சுத்தம் செய்து வைக்கவும். வெங்காயத்தை பொடியாக நறுக்கி கொள்ளவும்.

குக்கரில் எண்ணெய் விட்டு பாதியளவு வெங்காயம் போட்டு நன்கு வதக்கவும். வதங்கியதும் சுத்தம் செய்து வைத்த மட்டன், இஞ்சி பூண்டுவிழுது,மஞ்சள் தூள் சேர்த்து வதக்கவும். 3 நிமிடம் வதங்கியதும் 1 கப் தண்ணீர் ஊற்றி விசில் போட்டு வேகவிடவும்.

மிக்ஸியில் தேங்காய் துருவல், மிளகாய் தூள், மல்லி தூள், மஞ்சள் தூள், சீரகம், மிளகு சேர்த்து தண்ணீர் சேர்க்காமல் கொரகொரப்பாக அரைத்து கொள்ளவும்.

வாணலியில் 1 ஸ்பூன் எண்ணெய் விட்டு மீதமுள்ள வெங்காயத்தை சேர்த்து நன்கு பொன்னிறமாக வதக்கவும். வதங்கியதும் வேகவைத்து வைத்த மட்டனை சேர்த்து நன்றாக கிளறவும். பின் அரைத்த மசாலா, கறிவேப்பிலை சேர்த்து சுருள வதக்கி இறக்கவும்