முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும். ஒரு குக்கரில் ஒரு டீஸ்பூன் எண்ணெய் விட்டு காய்ந்ததும் அதில் மட்டனை போட்டு ஒரு டீ ஸ்பூன் இஞ்சி பூண்டு விழுது சேர்த்து நன்றாக கலந்து 6லிருந்து 7 விசில் வரும்வரை விட்டு எடுக்கவும். விசில் அடங்கி ஆறியதும் அதில் இருக்கும் மட்டனை மட்டும் எடுத்து ஒரு மிக்சியில் போட்டு நன்றாக அரைத்து கொள்ளவும்.ஒரு மிக்ஸியில் தேங்காய் துருவல் மிளகு சீரகம் சோம்பு பச்சை மிளகாய் கருவேப்பிலை கொத்தமல்லி சேர்த்து அரைத்து வைத்துக் கொள்ளவும்.

ஒரு பவுலில் அரைத்த மட்டன் அரைத்த கறிவேப்பிலை தேங்காய்த் துருவல் தேவையான அளவு உப்பு கடலை மாவு வெங்காயம் சேர்த்து நன்றாகப் பிசைந்துக் கொள்ளவும்.தண்ணீர் சேர்க்க தேவையில்லை. நன்றாக உருண்டை பிடிக்கும் அளவுக்கு மாவை பிசைந்து வைத்துக் கொள்ளவும்.சிறு சிறு உருண்டைகளாக பிடித்து தனியே எடுத்து வைத்துக் கொள்ளவும். அளவு சிறிதாக இருந்தால் போதுமானது. எண்ணெயில் போடும் போது அளவு சற்று பெரிதாக மாறும்.

ஒரு கடாயில் பொரிக்கத் தேவையான அளவு எண்ணெய் ஊற்றி சூடானதும் மிதமான தீயில் வைத்து ஒவ்வொரு உருண்டைகளாக சேர்த்து நன்றாக பொன்னிறமாக பொரித்து எடுக்கவும். இப்போது சூடான சுவையான மட்டன் கோலா உருண்டை தயார். நன்றி. ஹேமலதா கதிர்வேல்.