கறி ரசம்

மட்டனை தண்ணீர் ஊற்றி நன்கு கழுவி சுத்தம் செய்து எடுத்து கொள்ளவும்.குக்கரில் எண்ணெய் விட்டு மட்டன் சேர்த்து மஞ்சள் தூள், உப்பு, சீரகத்தூள், தண்ணீர் 1/4 டம்ளர் சேர்த்து 5 விசில் விட்டு இறக்கவும்.

விசில் போனதும் மட்டன் வேக வைத்த தண்ணீரை தனியாக எடுத்து கொள்ளவும்.மிக்ஸியில்
மிளகு, சீரகம், பூண்டு பல் சேர்த்து கொரகொரப்பாக அரைத்து எடுத்து கொள்ளவும்.

புளியை தண்ணீரில் ஊற வைத்து கரைத்து வடிகட்டி கரைசலை எடுத்து கொள்ளவும்.

வாணலியில் எண்ணெய் ஊற்றி கடுகு தாளித்து கறிவேப்பிலை, காய்ந்த மிளகாய் சேர்த்து வதக்கவும்.

மிக்ஸியில் அரைத்ததை சேர்த்து வதக்கி விட்டு தக்காளி சிறிதாக நறுக்கி சேர்த்து நன்கு மசித்து வதக்கி கொள்ளவும்.

பிறகு இதில் புளி கரைசலை ஊற்றி கலந்து விட்டு மட்டன் வேக வைத்த தண்ணீரை ஊற்றி கலந்து கொள்ளவும்.

ரசம் லேசாக கொதித்து நுரை கட்டி வரும்போது கறிவேப்பிலை, கொத்தமல்லி தூவி இறக்கவும்.