பருப்பை குக்கரில் எடுத்துக் கொண்டு நன்கு கழுவி மூழ்கும் அளவு தண்ணீர் விட்டு, தக்காளியை கழுவி காம்பு பகுதியை மட்டும் நீக்கிவிட்டு பருப்பின் மீது முழுதாக வைக்கவும்

3 விசில் விட்டு அடுப்பை அணைத்து குக்கரை விசில் அடங்கியதும் தக்காளியை தனியே கரண்டி கொண்டு எடுக்கவும்

இப்போது பருப்பு தனியா மசித்துக் கொள்ளவும் தக்காளியை தனியாக நன்கு மசித்துக் கொள்ளவும்

இப்போது இதை இரண்டையும் ஒன்றாக நன்கு கலந்து கொள்ளவும்

கல் உரலில் மிளகு சீரகம் பூண்டு எடுத்துக் கொள்ளவும்

இதனை நன்கு இடித்து விட்டு சிறிதளவு கொத்தமல்லி காம்பையும் சேர்த்து நன்கு நைசாக இடிக்கவும்

ஒரு பாத்திரத்தில் எண்ணெய் விட்டு காய்ந்ததும் கடுகு, உளுந்து, சீரகம், பெருங்காயத்தூள் தாளிக்கவும்

பிறகு நீளவாக்கில் கீறிய பச்சை மிளகாய் சேர்த்து வதக்கவும்

இப்போது உரலில் இடித்த மிளகு, சீரகம், பூண்டு, கொத்தமல்லி கலவையை சேர்த்து சிறிது நேரம் வதக்கி விடவும்

இப்போது பருப்பு தக்காளி கரைசலை இதனுடன் ஊற்றவும்

அரை கப் அளவு தண்ணீர் ஊற்றி குக்கரை நன்கு கழுவி அதனையும் ஊற்றவும். மஞ்சள் தூள், தேவைக்கேற்ப உப்பு சேர்க்கவும்

கெட்டியாக இருந்தால் இன்னும் சிறிதளவு தண்ணீர் ஊற்றி அடுப்பை குறைந்த தணலில் வைக்கவும்

நுரைத்து அதாவது கொதி வர ஆரம்பிக்கும் பொழுது கொத்தமல்லி தழையை தூவி அடுப்பை அணைக்கவும்