வாழைப்பூவில் நரம்பு எடுத்து சுத்தம் செய்யவும்.ஒரு பாத்திரத்தில் தண்ணி ஊற்றி உப்பு, மஞ்சள்தூள் போடவும்.

இரண்டு ஸ்பூன் தயிர் ஊற்றி, வாழைப்பூவை பொடிப்பொடியாக நறுக்கி ஊறவைக்கவும். ஏன்னா அது கருக்காமல் இருக்கும். குக்கரில் பாசிப் பருப்பு போடவும்.

பாசிப் பருப்பை நன்றாகக் கழுவி எடுத்துக்கொண்டு, ஒரு கப் தண்ணீர் ஊற்றவும்.

மஞ்சள் தூள் சேர்த்து அடுப்பில் பருப்பை குக்கரில் 2 விசில் வைத்து வேகவிடவும். கரண்டியால் பருப்பை மசித்து பொடியாக நறுக்கிய வாழைப்பூவை அதில் சேர்க்கவும்.

உப்பு சேர்த்து ஒரு ஸ்பூன் அளவு சீரகத்தூள் போட்டு குக்கரில் ஒரு விசில் வைக்கவும். அடுப்பில் ஒரு கடாயை வைத்து எண்ணெய் ஊற்றவும்.

கடுகு, உளுந்து, கருவேப்பிலை போட்டு தாளிக்கவும்.

அதோடு வெங்காயம் சேர்த்து, காய்ந்த மிளகாய் போட்டு நன்றாக வதக்கவும்.

பின் வேக வைத்து இறக்கிய வாழைப்பூவை அதில் சேர்த்து கொதித்ததும் தேங்காய்ப்பூ தூவி இறக்கவும்.