முதல் சர்க்கரை பாகு செய்வதற்கு பாத்திரத்தில் சர்க்கரை, தண்ணீர் மற்றும் எலுமிச்சை சாறு சேர்த்துக் கொள்ளவும். (எலுமிச்சை சாறு சேர்ப்பதற்கு காரணம் சர்க்கரை பாகு செய்ததும் கட்டி பிடிக்காமல் இருப்பதற்காக)

தண்ணீரின் அளவு மிகவும் முக்கியம் - பாகு செய்வதற்கு சர்க்கரையின் பாதி அளவிற்கு தண்ணீர் தேவைப்படும்.

பாகு பதம் பார்ப்பதற்கு தண்ணீரில் சர்க்கரை பாகை சேர்க்கவும். கையில் எடுத்துப் பார்த்தால் மிருதுவான உருண்டை செய்யும் அளவிற்கு இருக்க வேண்டும்.(அழுத்தமாக இருக்கக்கூடாது)

பிறகு பாத்திரத்தை (அடுப்பில் வைக்காமல்) கஸ்டட் பவுடரை தண்ணீர் விட்டு நன்றாகக் கரைத்து வைத்துக் கொள்ளவும். (சோள மாவு சேர்த்து செய்வதென்றால் இதனுடன் விருப்பப்பட்ட நிறம் சேர்த்துக் கரைத்து கொள்ளவும்)

தண்ணீர்- மாவின் அளவை விட மூன்று மடங்கு தண்ணீர் தேவைப்படும்.

கரைத்த மாவை அடுப்பில் வைத்து கை விடாமல் கிளறவும். சட்டென்று இறுக தொடங்கி விடும்.

பிறகு சிறிது சிறிதாக சர்க்கரை பாகை சேர்த்து கலந்து விடவும். (ஒன்றாக சேர்த்து விடக்கூடாது)

அனைத்தையும் சேர்த்து பிறகு பொடியாக நறுக்கிய முந்திரிப் பருப்பு மற்றும் ஏலக்காய் சேர்த்து கிளறவும்.

இறுதியாக நெய் சேர்த்து கிளறவும் ஒவ்வொரு கரண்டி நெய்யாக சேர்த்து நன்றாக கலந்ததும் மற்றொரு கரண்டி சேர்த்து கொள்ளவும்.

ஐந்து நிமிடங்கள் கைவிடாமல் கிளறிக் கொடுக்கவும் சிறிது நேரத்தில் அல்வா ஒன்று திரண்டு வரும். (நான்ஸ்டிக் பாத்திரமாக இருந்தால் மிகவும் நன்று)

பிறகு அடுப்பை அணைத்து கொள்ளவும்.

பிறகு அதை ஒரு நெய் தடவிய பாத்திரத்திற்கு மாற்றி நன்றாக ஆற வைக்க வேண்டும். சற்று நேரத்தில் இறுகி சரியான உருவத்திற்கு கிடைக்கும்.

அதன் பின் வேண்டிய வடிவத்தில் வெட்டி பரிமாறவும் சுவையான கராச்சி (பாம்பே) அல்வா தயார்..