முட்டை மசாலா ரோஸ்ட் சான்விச்(Egg Masala Roast Sandwich)

முதலில் 5 முட்டைகளை வேக வைத்து சமமான இரண்டு துண்டுகளாக நறுக்கி வைக்கவும். மஞ்சள் கருகளை மட்டும் தனியாக எடுத்து வைக்கவும்.

மஞ்சள் கருவை நன்றாக மசித்து விட்டு, அதனுடன் மிளகுத்தூள், உப்பு மற்றும் நல்லெண்ணெய் சேர்த்து நன்றாக கிரீம் போல் கலக்கவும். இதனை அப்படியே தனியாக மூடிவைக்கவும்.

பிறகு ஒரு கப்பில் 1 டேபிள்ஸ்பூன் மிளகாய்த்தூள், 1/4 டேபிள்ஸ்பூன் கரம்மசாலா, 1/2 டேபிள்ஸ்பூன் சோம்புத்தூள், 2 டேபிள்ஸ்பூன் கான்பிளவர் பவுடர், உப்பு மற்றும் தண்ணீர் சேர்த்து நன்றாக கலந்து விடவும். பிறகு முட்டை வெள்ளைக்கரு, ஒவ்வொன்றாக இந்த மசாலாவில் நன்றாக நனைத்து, பிரெட் கிரம்ஸில் பிரட்டி வைக்கவும்.

பிறகு ஒரு கப்பில் 1 முட்டையை உடைத்து ஊற்றி சிறிதளவு உப்பு சேர்த்து நன்றாக கலக்கி, வேகவைத்த மசாலா முட்டைகளை ஒவ்வொன்றாக நனைத்து எண்ணெயில் போட்டு பொரித்தெடுக்கவும்.

எண்ணெய் காய்ந்ததும் மிதமான தீயில் வைத்து, இருபுறமும் பொன்னிறமாக வேக வைத்து எடுக்கவும்.

முதலில் தயார் செய்து வைத்த மஞ்சள் கரு மசாலாவை, பைப்பிங் பேக்கில் வைத்து, வறுத்த முட்டை ரோஸ்ட்டின் மேல் சான்விச் போல் வைத்து அலங்கரிக்கவும்.