கிராமத்து ஸ்டைல் புதினா துவையல்

முதலில் ஒரு கடாயில் 2 டேபிள்ஸ்பூன் அளவு எண்ணெய் சேர்த்து அதில் ஒரு டீ ஸ்பூன் கடுகு ஒரு டீஸ்பூன் உளுந்து ஒரு டீ ஸ்பூன் கடலைப்பருப்பு சேர்த்து நன்றாக பொரிய விட வேண்டும்

பிறகு அதில் 15 சின்ன வெங்காயம் 2 பச்சை மிளகாய் ஒரு கொத்து கறிவேப்பிலை சேர்த்து வதக்க வேண்டும்

மேலும் அதில் ஒரு சிறிய துண்டு இஞ்சியை பொடியாக நறுக்கி அதனுடன் சேர்த்து வதக்க வேண்டும்

எல்லாம் வதங்கிய பின் அதில் இரண்டு சிறிய தக்காளியை பொடியாக நறுக்கி அதனுடன் தேவையான அளவு உப்பு சேர்த்து ஒரு சின்ன நெல்லிக்காய் அளவு புளியும் சேர்த்து நன்றாக வதங்கும் வரை வதக்க வேண்டும்

தக்காளி முழுவதும் நன்றாக வதங்கிய பிறகு அதில் ஒரு கட்டு புதினாவின் இலைகளை மட்டும் தனியாக எடுத்து தண்ணீரில் அலசி விட்டு அதனுடன் சேர்த்து வதக்க வேண்டும்

பிறகு அதில் கால் மூடி தேங்காயை கீரியோ அல்லது துருவியோ சேர்த்து இரண்டு நிமிடம் வரை எல்லாவற்றையும் கலந்து விட்டு நன்றாக வதக்க வேண்டும்

எல்லாம் நன்றாக வதங்கிய பிறகு அவை அனைத்தையும் ஒரு மிக்ஸி ஜாரில் மாற்றி 2 டேபிள்ஸ்பூன் தண்ணீர் சேர்த்து நன்றாக அரைத்துக் கொள்ள வேண்டும்