தேவையான பொருட்களை எடுத்துக் கொள்ளவும். அடி கனமான கடாயில் 2 டேபிள்ஸ்பூன் நல்லெண்ணெய் விட்டு முதலில் உளுந்தை தாளிக்கவும்

பிறகு பூண்டுப்பல், வர மிளகாய், பொட்டுக்கடலை சேர்த்து மிதமான தீயில் வைத்து நன்கு வறுக்கவும்

பிறகு கறிவேப்பிலை, புளி துண்டு சேர்த்து நன்கு ஒரு நிமிடம் வரை சிவக்க வறுக்கவும்

பிறகு தேங்காய் துருவல் சேர்த்து ஒரு நிமிடம் வரை நன்கு சிவக்கும் வரை வறுக்கவும்

அனைத்தும் ஒரு சேர நன்கு வறுத்து விட்டு அடுப்பை அணைத்து பிறகு கொத்தமல்லி தழையை அதில் சேர்த்து அனைத்தையும் நன்கு ஆறவிடவும்

பிறகு மிக்ஸி ஜாரில் சேர்த்து சிறிது கொரகொரப்பாக அரைக்கவும். பிறகு தேவைக்கு ஏற்ப உப்பு, தண்ணீர் சேர்த்து மீண்டும் நைசாக, துவையலாக அரைக்கவும்

மல்லி கறிவேப்பிலை துவையல் ரெடி. சூடான இட்லி, தோசையுடன் பரிமாறவும்.