ஒரு கடாயை அடுப்பில் வைத்து சூடேற்றி ஒரு டீஸ்பூன் எண்ணெய் ஊற்றி உளுத்தம் பருப்பை சிவக்க வறுத்து ஆற வைத்து கொள்ளவும்

அதே கடாயில் மீண்டும் ஒரு டீஸ்பூன் எண்ணெய் ஊற்றி கடலைப்பருப்பை சிவக்க வறுத்து எடுத்து அதன் பின் காய்ந்த மிளகாயை வறுத்து ஆற வைத்து கொள்ளவும்.

அதே கடாயில் கருவேப்பிலை பெருங்காயம் சேர்த்து வறுத்து ஆற வைத்துக் கொள்ளவும்.

இவை அனைத்தும் நன்கு ஆறியதும் இரமில்லாத ஒரு மிக்ஸி ஜாரில் உளுத்தம் பருப்பு, கடலைப்பருப்பு, கறிவேப்பிலை, பெருங்காயம் சேர்த்து சிறிது அரைத்துக் கொண்டு அதனுடன் காய்ந்த மிளகாய், பூண்டு தேவையான அளவு உப்பு சேர்த்து கொள்ளவும்.

இதனை சிறிது கொரகொரப்பாக அரைத்து எடுத்தால் சுவையான மற்றும் அட்டகாசமான இட்லியுடன் சேர்த்து சாப்பிட கூடிய இட்லி பொடி தயார்.