உருளைக்கிழங்கை இரண்டாக நறுக்கிக் கொள்ளவும்.பிறகு குக்கரில் ம.தூள்,உப்பு போட்டு நறுக்கின உருளைகிழங்கு,தண்ணீர் ஊற்றி ஒரு விசில் விட்டு வேகவிடவும்.குழையக்கூடாது.

ஆறினதும் தண்ணீரை வடித்துவிட்டு தோலை நீக்கிக்கொள்ளவும்.கடாயில் எண்ணெய் காய்ந்ததும்,கடுகு,உ.பருப்பு,க.பருப்பு,ப.மிளகாய்,தாளிக்கவும்.பிறகு நறுக்கின வெங்காயம்,ம.தூள்,உப்பு போடவும்.

வெங்காயம் சற்று வதங்கியதும்,மிளகாய்தூள்,காஷ்மீரி மிளகாய்தூள் போடவும்.பிறகு உரித்த உருளைக்கிழங்கை போட்டு ஒன்று சேர கிளறி வதக்கவும்.

ஒன்று சேர வதங்கியதும் அடுப்பை அணைத்து விட்டு மேலே கொத்தமல்லி தூவி இறக்கவும்.இதற்கு மைதா மாவில் செய்த பூரி ஆப்ட்டாக இருக்கும்.

சுடசுட மைதா பூரியுடன்,*ஆலூ மசாலா பொரியல்*,தயார்.எந்த வயதினரும் விரும்பி சாப்பிடக்கூடிய சைட்டிஷ் இது.செய்து பார்த்து அசத்துங்கள்.